10月28日西九海濱長廊

香港係好少大型公園比狗入的,近幾個月西九話開放比狗仔入,一眾狗主都好開心,但有個規定就係除狗公園範圍內其他地都狗隻都必須要上繩,這個我都覺得非常合理,不竟西九不是什麼大草園~

我地知道假日必定會有好多狗,所以就平日同肥冬走一轉先

其實西九有前後兩個出口的,我就當圓方入個個為前..依個木牌就係後面的出口啦..地標影張留念啦...

木牌後面就係馬路,無欄的,如果小朋友吾夠定影相時就最好捉緊繩子啦

 其實今日我地大約下午4點幾到步,原因係想影日落,見到依d雲心都沈一下,好彩肥冬係太陽伯伯既朋友,好快雲就散晒啦...

闊闊公園,分有草地..行人路..單車路..好乾淨very good, 香港人你地真係要keep住依個好地方

 早排見人去影茫草..估不到依到都有小小..可以盡情咁影返夠本啦

 依張飛天少女豬屎丁相,係今日冬爸大愛之作....

但...冬, 點解你好似肥左咁多既 >< 無眼睇..

 yeah..日落啦, 雲散左啦,圓圓大大的太陽落山lu..

 就來哈佬喂..轉個裝先得

 依張係我的最愛...情深說話未曾講,冬.. I LOVE YOU

10月25日數碼港探朋友仔

波板糖係肥冬兒時玩伴之一,今日佢約埋仔仔媽去數碼港玩所以我同冬爸就去探佢地啦~因為肥冬吾會見咁多狗既,所以我地都無帶佢去,佢地玩完後就去我屋企樓下探下肥冬添.

好啦..介紹下依位小朋友先,佢係仔仔媽新收養的10個月大叫拾派仔,前主人因為有神經緊張所以吾養得佢,仔媽個時剛好仔仔又走左,又吾適應無左個小朋友係屋企,好快就領養左佢啦..拾派仔係一個好乖又聰明既小伙子~ 肥冬見到佢仲無吠佢添,應該一定係純品仔呢wakaka

 跟住就到波板糖呢...仲係咁精靈

佢地仲養多隻比熊妹妹,叫綿花糖....都好可愛架

依個叫冬甩係波媽既朋友仔,好可愛妹

兩個好一致..點解因為佢地曾經係一家人嗎!

 點解話曾經係一家人? 好啦又介紹下先右手邊個隻叫冬甩三色哥基左手邊個隻叫欣欣黃白哥基,連同冬媽既狗友有一隻叫 Cordy 三隻原先都各有經歷, 長話短說了最後都來到同一個家人收養晒,又因為最後個家人好似係生小朋友原固就將佢地三隻送往狗場....

好彩最後三隻都比人領養左仲撞得返添,依家佢地都係快樂的小公主,其實佢地身世都好可憐,仲有個比人用來繁殖,好彩依家三個都活得好開心有主人既愛鍚,但其實仲有好多狗仔係活在水深火熱之中呢...唉...所以請大家支持領養不購買
 

10月21日探訪SAA 契囡

大約一年前我開始助養SAA狗仔,今日終於安排到時間去睇佢地啦! 地方好大好清潔

好多小朋友歡迎我地呢....

 個個都好乖,籠外有張紙寫左佢地姓名,年齡同性格係點

 好啦..到我同契囡相聚一刻啦,其實我地想帶佢出去,外面空地走走架,可惜原來要接受訓練先可以,咁只好留係室內同佢按摸下傾下計,初初佢比較怕我地,後來按摩左,又傾計又抱又鍚,終於比我地熱情溶化左啦...最後回到籠仲笑笑口添

 依家12歲 Fido 囡,個樣仲好精靈,12月就13歲啦,我同爸爸應承你會再來同你慶祝生日架

同佢溝通完,返到去就笑笑口啦,好開心添

其間我地周圍咁睇下, 比冬爸發現到佢叫TUNG TUNG 東東,今年2歲10個月,好細膽架,之前係流浪時應成日比狗打,所以驚人驚狗...冬爸即決定助養埋佢添,估吾到又多個契囡啦,12月希望可以同你玩下啦

其實大家屋企或者時間未許可養狗的話,但又好想親親狗狗喎,大家都可以去SAA 參觀同埋做下義工架,如屋有地方,梗加希望大家可以領養添啦,佢地個個都係好乖既小寶貝

10月18日開心西貢

好耐都無遠征啦,今日一大早約左虎豬去西貢行下順便食個早餐,講起西貢依個地方真係百般之味在心頭呀,因為一年零七個月前冬冬游完水再去西貢食晚餐後就腦炎病發啦,所以依個地方真係令到我回憶梗多.

今日天氣好好,我地7點鬆D就出發啦,大約9點就到步,見到虎虎,肥冬開心到飛起,今日心情亦大靚添.

我地沿住海邊慢慢咁散步..途中都預到好多狗,只要有上繩的冬冬都好平靜地行過,仲笑笑口,但一見到無上繩的她就會相對緊張,但總萛全日都對其他狗好友善

途中依棵樹好靚呀~ 虎媽叫我地留倩影

今日冬爸都有帶大相機架,但無拎到出來影,似中西貢比較多狗,我地只想比冬慢慢咁變返以前既生活,比佢實習下見返咁多狗,所以最後都無機會拎出來影啦

不過依家D手機影相都好靚,總萛影左幾張啦haha 依間 Let's Jam果醬好出名架,係牌坊行入去,有機會大家都試下

開心既虎豬,今日肥冬對佢特別好,有比佢鍚左一下,又比佢聞pat pat haha 平時肥冬吾比佢咁接近架..kakakaka做肥冬男朋友仔真係辛苦呢~

 肥冬: 果荼好味道....吾該晒

 份早餐咁大份..你一個人邊食得晒先得架...分d來啦

盡責既狗主

話說噚晚我地又如常同肥冬落街,講真我家肥冬朋友不多,亦都吾須要個隻,一向都係獨家村,係屋企範圍內既朋友仔一隻手都數得晒,所以我地見到其他狗都會好遠咁避左佢....

但往往好多人做得狗主亦吾會盡責,明知自己隻狗係見到其他狗會勁吠,同衝埋去點解又吾停係到等其他狗過左先呢?

自問知道肥冬吾鐘意其他狗,我地會係遠處比佢地走左先,我都吾想嚇到人,但往往人係,不能將心比己的..

噚日就有一隻溝左品種大八哥衝左出來嚇到肥冬啦,當時我見冬只吠左2聲回應我就知大件事,無幾耐佢又不停咁lam 咀, 我地回家途中巳經開始,返到去抺身時好左少少...我地不停咁按撫佢,望見佢眼好似無焦點咁,但再過一陣回神了,眼有神彩.我真係好心痛,可能依d真係腦炎後遺症吧...

我巳經再mark 底如再增加次數我會即時致比醫生聽,上星期好好彩停左一個星期無lam ,冬你要加油呀~ 我知道你係叻女來既,須然你有一個無用既媽媽,因為咁巳喊,但我會振作,可能近日太多狗狗出事,所以我負面既情緒出晒來...

年頭到依家6隻我識既哥基走左..我地只能珍惜現在所有的,想做就同佢去做,咁先能夠無悔到終點,各位家長共免之~

10月2日覆診日

話咁快又8個星期了..係依幾個星期裏面,冬都無勁大既變化,但有一樣野每個星期五晚都出現, 就係不停咁lam 咀,之後還流口水,當我地安撫左佢後就會慢慢咁休息下來, 依點我地拍左片比醫生睇.

醫生話暫時都揾吾出原因,只好今次吾停藥住,再細心觀察,仲要我們留意住有無自己食空氣依d習慣,如有即時致電比佢! 我地會密切留意住架啦..暫時一切安好,因為lam 咀都有可能係想嘔,所以醫生加左半粒中和胃酸藥比肥冬星期五食,希望佢ok啦,

今次體重係12.5kg.又肥過上次啦,好彩只係小小所以無比醫生話啫hahaha

肥冬: 禾不豬幾fit 啦..你地話係吾係

報告完肥冬情況,..

2,3號都完成左送婆婆上山既事了,婆婆一路好走,你既福氣真係好大,天文台掛左風球,但我地都可以係天晴既情況下送你最後一程, 真係多謝天公.希望你可以係天家開心快樂

另外今早又收到一個狗狗離開既消息,2個月3個小朋友了,真係無限感慨,希望小朋友在天家開心快樂,無病無痛