10月31日冬冬永別了

對不起咁多位BLOG友，今篇是冬媽最後一篇BLOG了，因為冬冬係 31.10.2018中午正式去當小天使了 ！

依篇BLOG好難打，好難受，但我想為冬冬做最後一點事，因為依個BLOG曾經幫過好多朋友仔，腦炎原來吾係最可怕，腦瘤先係取命的病，之前講過冬冬於 7月慢慢開始失明，原來腦入面生左兩個好大的瘤，於昨天瘤都開始出血了，冬冬 9.5年來經歷好多病痛，但有我地一家人去愛鍚，我唸佢此生無憾了，相對我地有冬冬依個乖囡，都無悔無憾！

今日冬冬畢業禮完畢後，冬家上下都會掁作起來，大家吾駛擔心我地

各位腦炎病友你地都要加大個油，各位家長你地要勤力煮HOMEMADE，因為冬媽似中覺得冬可以係咁病㡳下都維持到其他身體器官都咁良好，是食優質食物所致。

最後送上冬冬舊相一張，依張相係冬爸冬媽最愛之一，都會印在骨灰龕上，因為佢真係咁囂張，咁可愛，咁不可一世的靚女黑面女皇⋯⋯肥冬


別了⋯⋯我的女兒

13.4.2009 - 31.10.2018

愛的玻璃珠

近日冬冬情況都好平穏，有時訓醒懵懵下會痾尿係地，但大多清醒時佢都會自行上廁架尿尿的，當然依點我地都會係下次覆診報告比呂醫生聽。

係食方面，之前DR KAREN叫冬冬食BURNS糧，但應該超難食，亦有機會依個屎女包食慣好野，所以一度絕食，經我同冬爸相量後，決定晚上個餐自行煮返比冬食，等佢開心下，當然9秒 9清晒啦，講真前面前路我真的看不見，亦吾清楚，但我只想冬冬開開心心，值到終老！

近日網絡新興一樣小玩意，就係將毛孩骨灰或毛髮放入玻璃珠內，但索價幾千蚊一粒呀，好彩有狗友係網上揾到一間，可以自行跟亞SIR學，即場造玻璃珠，都係幾百炸，當然我地將肥冬毛毛，冬爸同冬媽頭髮都放晒落去，永遠都可以一起啦KAKA

當日可以完成兩粒玻璃珠，淺藍色個粒係我自己造架，深藍色係亞蛇捉住手仔教既

放上公仔到YEAH 靚晒，肥冬都好滿意呢

打左燈都好呃到人架HAHA

視覺神經炎

好耐無UPDATE，因為冬媽要消化，理解，接受⋯⋯然後先有勇氣寫BLOG

冬冬係依幾個星期裹面，由初初看到一點，變成完全失明，我唸好多人包括我都好想問點解，但腦袋同神經系統太復雜，好多野就萛醫生都解答吾到！

上次講到會同冬冬照超聲波，都照了，好彩肝同胰藏只有小小白，反映佢有輕微發炎，醫生開左抗生素，兩星期後再驗血指數依然高，醫生話因食類固醇影響，即時兩個醫生相量減類固醇，希望減輕身體負擔。希望下次再驗血會有回落啦


又講回眼睛，冬媽都有問過呂醫生，會吾會腦有腫瘤令冬急速失明，呂醫生答，其實真係要知一定要照MRI，但暫時見冬冬情況就似視覺神經炎，吾排除係視覺神經交差位有腫瘤，所以我地要密切觀察冬冬情況，有任何變化都要匯報比醫生聽，如情況有變就要照MRI了


依一個多月，冬家由如坐過山車一樣，每天都活在黑暗日子裹，不停問點解，點解又係冬，佢巳經好命苦了，為何到老時又一場大病呢？但一個月過後冬家開始走出傷痛，因為如我地都吾接受，日日係到喊，咁冬又點會接受呢？

我地開始叫冬冬要用多D鼻子，耳朵去接觸依個世界，初初佢真係好驚，落到街都不想行，現在好多了，會行會笑。

大家放心冬家會加大大個油，希望冬只係視覺神經炎吧！ 上星期我們出去同冬冬影相，冬冬由細影到大，須然看不見但對快門聲好敏感，就給一張近照給BLOG友吧！

覆診日

一星期轉眼就過，好緊張冬覆診啦，今日呂醫生檢查後冬冬右眼眼底無腫啦，左眼都退得7788了，類固醇開始減少，但冬冬依個星期內輕左 0.8KG我覺得實在太多了，呂醫生檢查後都說須要驗血看一看。

等待是漫長的，抽完血回家等消息，大約中午收到醫院打來，冬冬肝指數吾合格，其中ALKP指數讀吾到，要稀釋左血再驗先測到讀數，讀數竟然是 6000 真係嚇死冬媽我啦，呂醫生即開醫生糧及加肝臟藥，並且要我們安排時間去照一照超聲波。

我們都安排左時間同冬冬照，依個星期會食住醫生糧加肝臟藥先，希望指數因減類固醇巳下降啦，姑娘話有機會因為食藥影響肝臟，我真的但願如是，冬冬你要加油你要幸福。

我地一定會支持你架，我最愛的心肝命掟

突然的神經發炎

太耐無寫BLOG當然因為冬媽公司太忙了，其實係約3星期前我同冬爸WALK 冬時都感覺一點點怪的，又試過係家中無拉拉撞向風扇，但平日其他食，玩，訓都完全正常，值到有一日我同往日一樣，離家時放㡳小食，叫冬冬DOWN 下，要我說OK 時先可以食，還記得當日比平常推後左冬小小，當我出門叫OK 時，竟然冬起身走向小食，但好似看不見似的，周圍揾⋯⋯當時我真是嚇一嚇。

即致電PAVC聯絡神經科，可惜當日呂醫生休假，幸好的是郭醫生左，但因為要做手術亦非常多症在手，所以當日不能見冬，但亦明白怕腦炎返發一晚都可以造成好嚴重的後果，所以就配左類固醇給我，叫我出診所取，並安排明天接見我們。

當緊張左一晚後，第二日見到醫生了，初步見其他神經反應都非常好，只是左眼看不見，她比了三個方案。

1. 食類固醇一星期睇眼有無好轉

2.照MRI

3.睇眼科

當我問暫時邊個方案最好，她是食藥一星期先再回來覆診吧。

當食藥的第三天，冬情況好明顯好轉起來，看得見了，那⋯⋯是腦炎返發嗎？

之後診所通知呂醫生攝左個期比我們睇，當然開心到不得了，呂醫生是救冬恩人，我每次見到佢都非常有安全感

今天到左覆診日期，呂醫生睇過我地幫冬怕的片，仲做了好多檢查，依佢臨床經驗冬不是腦炎返發，而是眼神經發炎，但點解會咁就同當年腦炎一樣⋯⋯（不明）

呂醫生表示期實醫腦炎同眼神經發炎用藥都一樣，食類比加免疫系統藥，依家約左一星期後覆診，希望豬仔再進步啦，一聽到她不是腦炎後我真是鬆左一口氣呀

其實冬冬精神都好好架，只係食藥後比較倦，因為藥物影響同眼睛睇得吾太好既關係，動作比較緩慢，但胃口非常好架，仲係超為食豬來，希望下星期會再好轉啦，加油呀！肥冬

家人

其實冬媽係一個好獨立的人，好多事情都可以自己去解決，就萛冬爸都好多時會問冬媽意見然後去決定點做！

人越大就要處理好多問題，尤其依家升職了，公司非常忙真係好多時間都吾想人煩住我，就連回媽媽家食飯的時間都很少了

早兩天我回去食飯，竟然媽媽煮很多餸咁給我，原來第二天是我的舊曆生日，還準備左生日利是給我，還有還有。。。飯後甜品啫喱呢

我內心真的超感動，世上只有媽媽好，講真細個冬媽非常任性⋯⋯應該話依家都係XDDDD但是家人永遠都包容我，愛鍚我，媽媽年青時很火爆，但她都開始老了，記性一天比一天差，還好是身體非常健康，爸爸健康就差一點，但問題應不大，希望兩老可以開心快樂咁享受退休生活。

冬媽減壓方法就是同肥冬玩，同狗友傾下計⋯⋯但願每個小朋友都身體健康，開心快樂，近日知道好多狗友都開始生病，應該係年紀問題，所以梗要珍惜眼前

626冬媽生日快閃赤柱遊

冬媽真的太忙了！原來冬冬個BLOG有一個月無更新了，無它因為工作上真係很忙。

但大家放心，我家肥冬公主依然健康，可愛，每天散步一定走吾甩，因為佢係我家的心肝寶貝嗎！

本身今日生日都無得休息架，因為要做半年盤點，但吾理啦，放自己一天假吧，明天回去屎過⋯⋯

因為天氣太熱所以好耐都無同冬豬出去玩啦，今日來個晨早快閃赤柱遊啦

大家好耐都無見依隻小肥冬啦，放心⋯⋯佢食得玩得痾得，好精靈呀

真係希望快D秋涼呢，咁就可以同冬豬再周圍去啦

5月1日冬冬近況

踏入5月啦，更新下冬冬既近況先，佢減藥一個月啦，情況好理想，但係兩星期前冬冬腸胃炎呀，仲痾便便有小小血添，真係擔心死我呀，好彩DR TIFFANY 插左個位比我睇，話吾想冬冬肚仔痛咁多日喎，TIFFANY醫生真係好好人呀，今次睇醫生我仲幫冬冬驗一次全血，因為好耐無驗啦，還順便提早超下膽的情況，好開心⋯⋯

驗全血只有血油脂指數肥左小小，其他都好正常呀，膽情況都好理想只排餘下小小膽沙啫，醫生話可以半年後先再回來覆診呀！

腸胃炎方面，都食左抗生素，醫生開益生菌同杜蟲藥，依家肚仔無晒事啦

仲有一件媽媽的蠢事呀～話說冬冬其實都肚仔簡吾中痾軟左一排，咁見佢只食糧又無事咪無睇醫生囉，但就因為晚上無煮HOMEMADE，糧我又比得少，冬冬一日比一日廋喎，最底點係12.1KG嚇到我死死下，好彩同朋友仔傾開，原來我比少左好多糧，平日晚上煮因為大兜所以磅數好穏定，跟住我調整返個份量後，佢磅數回升左啦HAHA 你話我依個媽媽係咪好蠢呢！

冬冬，媽咪願你身體健康，日日都開心歡樂

4月13日冬冬9歲生日

今日真係好感動，因為冬冬9歲豬女啦，由佢接近5歲發病開始，每一天我都感覺是賺回來的，所以每一個生日我都會非常珍惜，至從31號覆診開始減藥都非常穩定（感恩）冬冬你一定得架！

今年當然會有小冰MA 既生日蛋糕啦。

係咪笑得好甜呢⋯⋯爸媽只希望你健康快樂，食得訓得玩得

之後我地仲BOOK左影樓去影相留念添

邊個咁BB呀

制服誘惑呢⋯⋯

肥冬你一定要身體健康，爸媽一定鍚晒你架

多謝各位欣賞 ＾＾

3月31日覆診日

話咁快又3個月啦，冬冬減藥依斷期間都好穏定，呂醫生今日同冬冬檢查後，眼仔好精靈，心臟都好好，早排應該係扭到手仔，所以訓完起身有拐拐下情況，但依個幾星期都好返晒，呂醫生檢查後結果正常。

今次覆診再度減藥，肥冬你要加油呀！希望你能夠甩晒D藥，今日磅重12.4KG真係FIT到爆呀

下次覆診為半年後，真係病後的第一次呀！YEAH⋯⋯不過呂醫生叫我地細心觀察，如須要可以提早返去覆診

送上3月28日冬爸生日，同肥冬去玩的照片

只要有爸媽陪，去邊都咁開心架

笑到有腰果眼，就知有幾高興啦

肥冬你要加油，打仗中的小朋友都要加油呀！

3月10日香港仔水塘

香港岩岩係一個星期內進行了春夏秋冬四季，由勁潮濕21度，跟住就一日之內變成29度，再兩日內跌到去10度，過幾日又話會勁潮濕到23度，真係周街都係病人呀！

希望天氣快D穩定啦，今日係15-17度又乾燥好適合行山，襯未熱一於行返轉

今日天氣非常之好，我們下午2點幾就到水塘，風和日麗呢

今日光線好岩拍照

兩母女來個合照吧

多留倩影，留住最美好的一刻。 I LOVE YOU UDON 〉3333〈

3月份啦

又係時候寫下BLOG，冬冬減藥巳經開始左啦，今個月18號就減左一個月啦，情況非常理想，希望佢KEEP住叻女啦

早前冬冬有個朋友仔患上在腦炎，可能11歲半的關係又或者有其他因素，阪阪没有冬冬咁幸運，早幾天走了，冬媽個心一路都好難過，原來腦炎真係不能看輕，真係未必有藥，有醫生⋯⋯個個都能救活。

踏入3月，冬冬病左足4年了，每一年3月5號即當天病發的日子，我個心都會好吾開心，但慶幸的是冬冬還在我身邊，我應該感恩

我感覺冬冬近日開始有老態了，早上樓上鑽野時她竟然仲訓到好冧豬，以前佢會吠到爆，眼睛我都感覺無以前咁明亮，依排仲訓得耐起身，前手會拐幾下，行順左就没事了，不過月尾見醫生時會再檢查一下。

媽媽爸爸都接受你老，但時間能停流一下，又或者行慢一點好嗎！

附上近照一張，個衰妹樣子仲好BB呢

狗年大年初一

恭喜發財

今日大年初一，冬氏一家祝大家身體健康，心想事成，萬事如意，日日都笑口常開

初一行大運是常識吧！冬媽終於忙完一年了，辛苦過後真係要好好咁休息下，當然陪冬豬是必定的，今大早就同冬冬行個大運啦

冬冬都好耐無來數碼港啦，今日超開心呢

冬冬笑得咁開心，梗係笑口常開，大富大貴

個位BLOG友大家又去邊玩呀