10月30&31日 腦炎針ROUND 8

話咁快到ROUND 8 了! 今日冬冬都係好精神咁見呂醫生, 仲係醫生面前跑添, 呂醫生詳細檢查肥冬後,覺進展非常良好,下針期為8星期,另將藥物減左,平日一天食5MG 類固醇,同75MG免疫系統藥! 昨天開始依兩款藥隔日食,真係好開心呀! 希望冬冬好快可以搣甩藥物啦

加油肥冬....你一定可以康復架 ^O^

預早的萬聖節

10月31號先係萬聖節,但當日冬冬要返醫院打針,所以就提早食CUPCAKE啦!

YEAH ....今年依個造型大家又鐘吾鐘意呢....

 又係ORDER左小冰媽既CUPCAKE,佢既手工真係出神入化呀!今年還加左我親手造既餅餅,仲買左個staub南瓜碗裝住,係咪好靚靚呢 hahahahahaha

 祝各位Happy Halloween, 睇下肥冬條利仔就知叫我地快d影完佢,要開動啦 ^^

10月18日hea 遊南丫島榕樹灣

好耐都無遠行了,自冬冬病後第一次坐船船再去南丫島,今日選址榕樹灣

坐船船冬冬都有小小緊張啦,但全程合吾理口,因為知道去玩好開心呢^^

 落左船爸b話要醫肚先喎...今日食泰國菜

 傻豬以為自己有份 kakakakaka 唸多左呢

 之後就去沙灘方向行下, 肥冬望緊咩?? 咪狗囉...望完一輪勁吠勁吠同勁吠 ><

 太耐無去遠行,今日冬冬真係超開心,係咁望住個海想沖落去

 今日坐1345船到,坐1705船走, 輕輕鬆鬆比冬冬試下遠小小行程! 回到家岩6點又開飯啦^^見到佢由朝笑到晚就知道佢地真係好鐘意去街街啦! 心情好自然病情好! 加油哦

轉糧The Honest Kitchen - force

冬冬食左Addication都有3年架啦,一向都無問題但早幾個月香港代理吾做了,但又無其他代理接手,唉...............要揾糧轉了,頭痛加頭痛

係朋友介紹下,轉左Now ,依隻糧都好耐架啦,口啤都吾差,試左sample 都ok,便便都吾錯,就買了一包細6lbs 開始食了

但吾知係冬冬吾受得定係咁岩得咁橋啦,一個月腸胃炎左2次,攪到我又亂唸係咪關糧事了,最後我都決定再轉,由朋友仔介紹左隻脫水糧 The Honest Kitchen 咁我就入佢地官網睇資料,同埋聽佢地介紹,覺得幾好! 因為同我平時風乾原理差吾多,保留所有食物營養係裏面,入面有咩料寫得好詳細,無任何皮毛,內藏咁,係美國仲拎埋人的藥監局驗証添,聽落真係幾好咁,所以一試

冬冬都轉左一個星期有多,便便非常好,吾太嗅, 身型都keep 得幾好,毛毛仲滑左添

佢有幾款配方既,我依款Force
(名詞) 活力、 能源、 生命力

成份：不含賀爾蒙 USDA 雞肉、有機亞麻籽、薯仔、芹菜、包心菜、蕃薯、青菜豆、南瓜、蘋果、蜂蜜、苜蓿、有機巨藻、香蕉、木瓜、羅勒、大蒜、迷迭香、維他命與礦物質。

Force 是我們最先出的無穀， 無麵筋狗糧。 為胃敏感和慢性疾病的狗而設。

 其實一盒4lbs 係可以開到16lbs 食物架,所以價錢都係好合理都化萛架! 感覺冬冬早上都係食緊homemade咁，健康ｄ

 冬冬依家吾係高運動量小朋友,所以一餐半杯就可以了! 晚餐冬冬都係食homemade

 未開水前,肉眼都見到入面料架,香蕉見到香蕉片,蘋果,燕麥都好清晰見到架

首先加入熱水,再加凍水咁就可以開到架啦.....

 你地睇,冬冬身型好fit架！　

 希望依隻糧可以大大減底冬冬腸胃不適,加油哦~~ 冬冬

10月7日腸胃炎

見冬媽咁耐吾UPDATE 就梗知無好野啦! 肥冬又腸胃炎了! 好多人問點解既? 食錯野?備免到嗎?

其實冬媽都好想知,比條LINK 大家睇下就知道冬冬點解咁多問題

http://www.skh.org.tw/neuro/mg/takecare/reaction.htm

其實冬冬有咁多其他問題發生,係因為長期服食類固醇,所以就萛我再細心照顧,問題吾等如無機會發生,


大家放心冬冬當晚即去PAVC睇醫生,打左針拎左藥回家了,醫生話佢好精神又無燒,都係因為食得太多藥物引起啦!

 今次相片吾放咁大啦! 血血便,今次比上次叫做小左血了.............

早前同佢轉左糧,因為食左幾年ADDICATION 香港無左代理了,轉左NOW 幾個星期但都發覺總是不夾冬冬,須然便都靚但是轉了後發生腸胃炎2次,怕左不太夾,由今個星期開始試轉Honestkitchen, 佢係脫水糧,令homemade都會將菜打晒容, 希望冬冬胃部減少工作糧令佢少d腸胃炎啦!