2017尾聲

話咁快就到2017年尾聲啦，冬媽公司真係忙到一個點呀～但大家放心我其實依然放假會同冬冬周圍去，每日都會同佢落街散步，只係冬媽連BLOG，FACEBOOK都少用左啫，因為太倦，好早就去眠了HAHA

就係2017年尾來個12月小總結，今年因為摩天輪20號先開返，周圍都無裝飾所以就無出去影夜景啦，近近地去一轉海怡工貿，今年裝飾得好靚呢！

肥冬跑得好HAPPY當然啦，爸媽拎左平日同佢去玩嗎

遲來的MERRY CHRISTMAS ＆ HAPPY NEW YEAR

上個星期又同佢走左轉南丫島，真係好耐無留過腳毛啦，肥冬開心到不得了！最開心係當日仲BOOK 到TIFFANY 醫生夾到呂醫生同日覆診添，開心屎禾地啦，吾駛走兩轉

最後新鮮熱辣，今日岩岩影日落相，2017過去啦，總括今年冬家都平淡開心，無咩大起大跌，但咁樣吾係就是最好咩！ 2018我貪心D 希望可以好似2017年咁，冬家上下都身體健康，平淡是福，冬冬你要應承媽咪要繼續做叻豬，健康落去，陪伴爸媽多幾年哦！

早幾日又有人因為依個BLOG揾到冬媽，想知多D關於冬冬腦炎的問題，希望都能夠解答到大家，其實最緊要一個老土說話，藥物，醫生都仲要，但最仲要係主人既⋯⋯⋯⋯愛呀！只要你地比佢地感受到愛，比多D時間去照顧佢地，一定勝於一切，腦炎病友，加油呀！

腦炎係要好留意佢平日有咩吾同，有D咩變化記住要盡快通知醫生呀～


HAPPY NEW YEAR

冬冬近況

真係成個月都無更新啦，減藥巳來冬冬情況都相當穩定，各位BLOG友吾駛擔心佢呀！因為冬媽公司忙碌所以好少UPDATE，不過我同以往一日都係放假的時候會將所有時間比晒依隻肥豬，每天都會散步，假日簡吾中都會出外走走，影下沙龍添！

因為上次講膽沙原因，冬冬食的食品都要低脂，所以冬冬身材都好FIT，行山時路人都話好少哥基肚腩吾掂地喎XDDDD

比近照大家睇下先，肥冬依然甜美可愛

磨刀本色真係無得講，媽媽覺你好靚囡呢

只要你食得玩得訓得，爸媽就最開心啦，肥冬叻豬＞33＜

10月28日香港仔水塘遊

OMG 我睇返原來好來無UPDATE 個BLOG了，大家放心，冬冬好好，上次覆診都非常GOOD，再驗血ALKP指數都有再高左小小，呂醫生為了安心安全起建，建議我們照一次超聲波，當然我地都覺好啦，講真都8歲半囡啦，當一個全身檢查都好。

報告出左，肝臟，腎臟，胃，脾臟，直腸都好靚好平滑，都無陰影。腎臟有一邊有小小鈣化，但因為冬冬都開始步入老年期所以都係正常現象，膽囊裹面有小小沙，應該就因為咁所以ALKP指數一路都高，原因好大機會食得脂肪含量食物多，我唸都係我常常比零食有關，依家開始食3個月補肝膽藥，之後再覆診如果無好轉先再唸是否甲狀腺問題。

好啦病情匯報完，大家好耐無見冬冬啦，開始秋涼可以同佢行水塘，又可以影多D靚相

表情古古惑惑⋯⋯

仲係好傻豬，點都吾似8歲半啫

沙龍時間⋯⋯

今日玩左差不多兩個小時，真係超開心呀！不過冬媽公司實在太忙，希望有時間再勤力點UPDATE 啦。

多雨水的七月

今個月都巳經過左一半了，但好天的日子真係吾多，依兩天仲不時黃雨，紅雨添，究竟幾時停呀⋯⋯

好啦，冬驗血報告終於返左啦，美國驗肝報告好靚，肝没有受破壞，致於醫院驗血結果係ALKP（肝酵素）又比上次高，正常範圍係23-212 冬係4月時驗係26X，但今次係286,醫生暫時都未知咩原因，但ALT正常，外國報告又靚，所以醫生都吾太擔心住，下次覆診再驗下依個指數先再作結論。

其實當日覆診呂醫生問過冬冬食咩架，但我又吾太好意思講，其實早上冬係食HONEST KIT CHEN 的FORCE 糧，晚上就由我親自煮比冬食的，有咩食材？ 有雞啦，鴕鳥，鱈魚，三文魚，牛展，鹿肉 ，鵪鶉 （火雞，同袋肉係好簡吾中）

副食材有： 有機螺絲粉，一星期一次有機糙米及小米，麥皮，甜薯，牛蒡

菜類： 大多數都係彩椒，因為冬好鐘意食，我只買外國進口，另露荀呀菜心，蕃茄等⋯⋯

健康保健品： 每日早上都會食一粒益生元，DS葡萄糖胺1.5粒，早晚各一次MILK THISTLE各半匙，晚上雜莓粉，另一星期兩次姜黃粉添。

終於一口氣打左冬膳食出來啦，比自己一個記錄啦。

多次驗血報告出來結論都証明我咁樣膳食都好岩冬既，肥冬媽咪會再努力D，希望ALKP依個指數都快D變返正常啦，又開始要OPEN THE BOOK好好咁研究一下，其實有小小頭緒但要測試下先

7月8日覆診日

話咁快又過左3個月啦，講返冬冬近況先，依3個月裹面小發作過一次，萛好叻女啦（TOUCH WOOD）HAHA....... 體重都回升返小小，但都吾會太肥達標架，今日見呂醫生詳細咁檢查身體後⋯⋯結果係GOOD GRIL呀～眼睛，心，腳反應都好好，仲抽左血SEND 去外國驗藥物血濃度，10日後就有結果架啦，超緊張呢

今日磅重量12.9KG 爸媽都相當滿意呀

抽血時間到⋯⋯個豬仔好叻，自動比姑娘拖入去抽血房呢

可惜點會剷到咁，仲抽到紅晒⋯⋯WUWUWUWUWUWU肉痛死冬媽啦

依個星期又要上太空暫住下，費事比你LAM 針口呀！到報告返左再同大家講啦！

626冬媽生日

又一年啦，又到生日月，人大左咩都無所謂，最希望家中老人家，身體健康，肥冬都要健康快樂呀～今年生日比較特別就係無得放全日假啦，因為調左職位星期一係比較忙既，不過香港依家太熱啦，就萛出動都要下午了

初唸住去赤柱架，但天氣吾穏定，仲下左場雨添，所以3點先出發，近近地去海怡工貿玩下啦。。。

 平日關係，一隻狗都無，肥冬話爽呀，可以包場追波啦

有潔癖的肥冬，聞到勁多尿味就一下都無再踏入去啦

冬： 好熱呀，我又追完波，去SHOPPING啦

一聽到話涼冷氣即開心起身啦

依到又有泠氣又可以SHOPPING真係夏天好去處呀

冬： 媽咪⋯⋯依D好似吾係好岩心水喎

冬： 我覺得依D 岩啦，人來⋯⋯包起晒佢

今日真係超開針呀，日日都係媽咪既生日，你話幾好呢

3D 立體肥冬

真係太耐無寫BLOG啦，大家放心肥冬食得訓得玩得，早排我地經朋友介紹去做左立體3D 冬呀⋯⋯

影相對冬來講梗係EASY啦

笑。。好靚喎

最後就選左依張做3D啦

成品都出左來，好可愛呢！錢洗左揾得返，所以點都係值得既。

5月21日學桔羊毛公仔

5月冬媽報左名學桔羊毛公仔，眼見朋友仔桔得咁似真係忍吾住呀，羊毛公仔我真係未桔過，所以早前就去街買一PACK狗公仔試桔，但桔左隻熊出來⋯⋯真係笑死人呀，不過都總叫動物啦HAHAHAHA

5月頭終於到上堂的日子啦，因為不停咁桔4小時所以無咩影相架，第一堂就專注桔個頭

有個初型出左來啦，肥冬化身你好哦

今日終於到第二堂啦，都係最後一堂，因為我太慢關係超時兩個鐘呀，真係麻煩晒MISS同埋下堂的學員讓出時間比我呀HAHA

上左耳仔同桔左眼線，即似左9成啦。

 登登。。。登，肥冬出世啦，多謝老師既教導同埋幫手啦，真係好似好靚呀

真係好似肥冬企係我面前咁呀

同期仲有BIBI，豆豆，肥麥同學，佢地仲有一堂呢HAHAH

肥冬都話超滿意呀～ YEAH