11月29日覆診日

話咁快又8個星期啦, 今日要匯報冬冬LAM 咀同流口水既程況..本身10月份都好地地只發生過一次, 但11月嚴重左好多Total 有6-7次添,今日同呂醫生傾完,呂醫生話依d都係輕微既抽筋情況..所以今個月要加止抽筋藥比佢, 佢答我地佢不自覺地流口水即個腦控制吾到,怕長時間咁會引發出大抽筋....當然我地吾反對用藥啦..依家小小地可以按捺住佢,好過真係有大型抽筋既出現...

另臨床檢查非常正常,眼,腳反應好好, 眼睛無白內障.good good 呀! 所以可以開始停類固醇啦..

冬冬, 媽咪希望你身體健康,我知道你打敗左腦炎,依家依d一定係好輕微既後遺症,我知道你係可以克服佢既...加油呀!

另朋友仔介紹一隻可以舒緩冬冬緊張情緒既保健品,今日我地都帶左資料比醫生睇,佢話可以一試....因全部都係草本野...大家都可以參考下

https://www.facebook.com/Rescue-Remedy-Pet-Hong-Kong-465532736848354/

黑的天

或許天空依然藍,但係巴黎既天空一定係黑白色的...11月13號當我睇到新聞時真是嚇一跳~

都不知講什麼好,我只想世界和平,個個都健健康康

11月8日立冬香港仔水塘

今日係立冬但沒有一點凍,我唸遲下香港好快無左冬天了....

昨天唸今早一早起身同肥冬去水塘行下,但竟然訓到8點半先醒,但都原定計劃去啦..到步都覺濕氣好重但有小小風就快腳起步了...


來到水塘梗係例行景點...平衡木影返張相先

今日帶埋帽子來拍個照吧..

冬: 媽....影完未呢?

冬: 哎呀..亞四..帽跌啦..

好啦..GOOD TAKE 收工

影完沙龍就可以去玩波波啦..個傻豬好開心呢...跑呀~

好啦..要回程啦,今日下午竟然有29度,仲要濕度百份之75添...回程11點鐘冬都行得好慢,我地仲抱佢一段路程添

平時要春天先會開到周圍都係花,估不到11月都有..天氣真係轉變呢

後面係一片黃花海,我地吾水踏屎佢..所以係到留倩影啦.

今日仲有一段小插曲,就係水塘發現一隻勁大野豬,我地見到佢時佢好乖咁食緊草,但可惜有遊人報左警,我地走時仲見到差人上左來,其實個到係郊外,個地方係屬於佢地架,又可必趕盡殺絕呢? 唉...............

肥冬向香港出發

facebook有個當年今日既功能,一睇見到肥冬快樂的地圖,haha 原來冬冬真係去過好多地方架~

跟住都好耐無整過啦,襯今日公司無咩做就再整張肥冬快樂地圖二啦 ~ 係未病之前我同冬爸真係唸過帶冬冬去日本,但佢依個蛇呱病真係吾水唸啦,咁就同佢玩轉香港啦.不過依家豬到中年了氣力都無咁好,只好選擇比較簡單路程,等我同佢有一個開心快樂既回憶

 依張係2009-2012年的,冬冬當時都去過好多地方了

依張係2013-2015

講真吾係養左肥冬,冬媽都無去過咁多地方呀 XDDDDDDD

你地又去過幾多個景點呢?