4月30日香港仔水塘

又踏入香港幾日紅假啦，但爸B聽日要返工，所以襯今日星期天一大早去水塘走走啦

又係到例行景點，平行木啦，對於我來講無難度呢？

一大早仲有小小涼風，可以跑跑草地，媽咪又拎我最愛波波出來

追到飛起晒架

跑完一輪，梗係有小食獎勵啦

企定定影靚相，無甩拖啦

大家有幾日假，又有咩活動呢？週未快樂哦

4月16日覆診日子

話咁快又過左3個月啦⋯⋯YEAH ，須然依三個月裹面冬都發作左2次，幸好的是時間又短同埋都好輕微，今日如事匯報左比呂醫生知啦，今日呂醫生都好詳細咁檢查左冬身體，全部都好正常，個衰妹仲不停咁係出面吠，醫生話係咪你呀，當然係佢啦，最多聲氣的小朋友


冬： E。。。依到同平時到吾同既

冬： 爸B依邊係新診症室呀～

係依到全部小朋友都係睇呂醫生或者郭醫生架，即係小狗左好多，但依個肥冬都係咁停咁講野同吠囉＠＠

大致都全部正常，下次覆診為三個月後，到時又會抽血驗，希望今次肥冬D血全部都靚仔合格啦，每次見完呂醫生，我同冬爸都會好安心同安樂架，冬冬你要KEEP住穏定成長，陪多爸媽好多年就好了，大家腦炎朋友，你地都要加油呀，正面開心對個病情都好有關係架，大家加油！

4月13日肥冬8歲啦

踏入4月又到肥冬生日月啦，終於等到8歲豬囡啦⋯⋯

係到媽咪祝你身體健康，開開心心，日日都咁幸福

年年都有小冰媽生日糕糕，今年又點少得呢，超靚既幸福摩天輪呀～多謝冬冬來到依個世界帶比我咁幸福

今年生日造型係咪好可愛先

簡簡單單都可以好開心，冬冬超愛我們架

正日生日梗係要拎假，今日我地去左影樓影相，希望KEEP 往後每年影一輯啦

早兩日都仲落緊雨，好彩晴天冬生日，天公造美啫，影樓位於觀塘環境細細地，都不錯丫

父母眼中，你永遠都係BB囡哦⋯⋯ HAHAHA

今日冬冬超合作又開心，笑得好甜美呢⋯⋯梗係主腳喎

英女皇的最愛，當然要化身皇室成員啦～

今日帶左好多隨從出來呢＾＾

今日影得超開心，話咁快兩小時就過去啦，星期日又到冬冬覆診既日子啦，希望順順利利啦