腦炎分享回顧 (三)

今日又有朋友仔係網到問到我,腦炎有咩再明顯病徵,我再細心唸下,眼神都睇到好多野架!好明顯精靈同迷惘

就如下圖一樣

 大家睇到嗎,健康眼神眼珠同眼白好分明,但當發病時眼好迷惘,到病情再進一步惡化巳無焦點了

 

腦炎回顧分享(二)

今日分享下冬冬療程裏面要每一天都要食類固醇所以面部脂肪都會不停咁消耗

就如下圖一樣, 但大家吾駛擔心當類固醇一路減少同它日停食的話脂肪就會變返以前咁架啦!
到時又可以變返靚冬, 可能哥基無POODLE 同史文沙咁多面毛關係,所以你地會比較察覺到佢地轉變

由2月未出事到6月轉變真的很大, 可能每個人都睇見心痛,但係冬家角度來講留住生命巳經係一個恩典, 加油哦....冬冬

腦炎回顧分享 (一)

回顧返腦炎初初發病時,好多行為上都同椎間盤病好相似,初初冬冬頭丫埋一邊, 起身時都好吃力,就像下圖一樣...要由坐底致起身都須要時間

到腦炎病發事,會喘氣, 舌頭自然地跌下, 昏迷,失禁,最嚴重就會抽筋 當日就只欠抽筋,其他出現了.

冬冬係出事後, 初初左眼對光都無反應,幸好第二天醫生話冬冬睇返野了!


要醫腦炎須要食多款藥,另身體抵抗力減到最底,所以都會令冬冬身體出現其他病痛,還好記得冬冬出院第二天,因藥物影响導致腸胃炎痾血,


我唸平時你地小朋友腸胃炎都未試過咁誇呢? 當日真係嚇到我死死下架

當腸胃炎好轉時, 衰妹竟然又陰道炎 =____=  下體分泌出黃綠分泌物,還有一陣惡嗅, 當日食左21天抗生素, 經腸胃炎同陰道炎後, 冬冬都經常性到反發尿道炎,但不停食抗生素都吾係方法,只好問一下醫生意見,須然有分泌物但KEEP 住比佢飲多D水,能否不再吃抗生素, 醫生話無血情況下,可以的....暫時靠飲多D水其他食材幫助下都KEEP 得幾好!

另皮膚上又因為香港天氣太潮濕,所以出現濕疹....

但要濕疹盡快地好,只能狠心D剷多D大D.... 咁好快無事啦!當然係醫生做的好事...剷到咁盡

還有的是食太多太重藥,所以冬冬肝亦發大了, 依家每天都進食補肝丸我們還煮好多健康食材比佢,冬冬一定會康復起來既


冬每日都要食類固醇, 免疫系統藥,胃藥,中和胃酸藥.....

分享

由冬冬病到依家,我都keep住寫ｂｌｏｇ，係facebook講心得,其實係好想比多d資料大家分享!

今日我開mail 見到有個哥基朋友問有關腦炎資料,因不幸地佢家哥基都証實為腦炎了! 係依刻我感覺到我所做的事係值得既!

因為當日冬冬病發時,我係網上揾到依種病資料係接近零,好多case 都身於台灣! 或者香港家長門都無寫blog 習慣

所以我決心開始慢慢用word 加圖片梗加詳細寫返冬冬事發到依家細節比大家睇,仲會post 返一d從來大家未見過既心痛照片, 平時冬媽只會放冬冬開心一面比大家睇,其實係依段期間佢有幾努力,有幾辛苦,我都一一咁用照片做個記錄,為的是想用於將來作比較! 睇下療程進度

腦膜腦炎其實係一個非常可怕既病,只要時間捉不緊,就會好易有生命危險,每個細節每個時刻做主人都要打醒十二分精神!

我真心想梗多家長知道依個病,所以將會係冬冬facebook 同blog 都會同步咁梗新!

各位打緊仗家長你地要努力呀!所有病都無絕對失敗一定會有奇績架! 加油..........

又衰左

於6月27-29號香港灣仔舉行pet show 大家吾知有無行呢? 冬媽一如而往都會去八下既! 其中冬冬食開Wet Nose 牌子都有擺檔! 初初唸住吾買架,因為家中還有一盒存貨,但見小冰媽話夾買一份,我咪要一盒囉, 仲送上2小包的星星餅試食裝

餅餅如下相: 

係6月29晚上開始食,到30號冬冬開始嘔左第一次, 初初都吾知佢咩事,不停咁唸食左咩呢? 係晚上仲一小時嘔一次, 總共6-7次添, 真係心痛死我呀! 嘔出來係餅餅顏色, 後來我先唸起d試食餅,去打開個盒聞下,有油益味呀! 唉.......................................


好彩7月1號早上無左嘔了! 冬爸話應嘔晒d菌出來了! 1號全中粥水供應, 依家無晒事了,如果大家都有拎過依隻餅,麻煩大家聞下先,無變壞比寶貝食呀!

我另外有2個朋友,一個痾軟雪糕, 一個又痾又嘔,佢地都有食過依款餅, 有一班狗友拎左未食聞過都有益味, 大家要小心d啦

最後冬爸話以後散裝食物都吾可以再比冬豬食,似中佢抵抗力底, 吾可以亂來呢!~