7月18日動感的肥冬

依d都係星期日早上0645落去公園玩掉波波,因為天氣太熱,一定要一早或者一晚先好出動哦~

平時都係睇相同文字多,今日就睇下片啦,依D都係新買Gopro拍 既片,我做左後期制作架~

                                                   (記住開聲睇呀)

比大家感受下動感既肥冬hahaha

毛孩=小孩

係香港看似一個繁榮既都市但背後是一個落後不堪的一個城市,今早睇到一則新聞,係香港家計會出既,話應該生4個小朋友喎~ 4個..4個..4個...你幫我養嗎? 兩個就夠晒數依個口號吾通要改~

講真現今社會就萛生一個要養可能沒什麼問題,但要教係一個非常重大既問題,又要計條起跑線,又要唸住邊方便選學校..我只能送上兩個字(變質)了~ 退而求其好多人都養小動物,但香港既樓莫講公屋,居屋,就連私樓唐樓都吾係話養狗就可以養

養狗差不多等如有問題,放狗會比人歧視,出街坐架狗車會話你不知所謂,人都要行點解狗要坐車,佢吾理你背後有幾多個問題只要佢吾鐘意,拎出槍(手機)就會對準你...令你係網絡世界紅起上來...依個就係現今既香港了.

早幾日係網上見到一個台灣宣傳單張,我一看真係比它感動了~ 吾知香港又幾時可以咁呢?

或者你地當佢係一隻狗,但我係當佢地係家人一樣,希望社會有梗多明白養狗狗的真正義意~ 你可以吾鐘意佢,但千其不要傷害他

最後,係早幾日,有個blog 友留言,係冬冬腦炎blog到,話佢隻狗巳經病左2年,腦炎長期作戰,我會唸..佢有係網上揾資料,即佢真心希望佢隻狗狗可以完全康復,冬媽都係到祝福佢~ 狗狗加油

家居意外

昨晚真係嚇屎左冬媽了,話說我切蘋果出來食,冬冬d就切細細粒的,咁我地就半個咁食,可能我切芯時大刀左,所以我吾小心咁掉左4份1個落地下, 鯊魚冬咁岩係下面就即食左個apple,冬爸叫我吾好搶佢吾係佢會吞....但個衰妹都驚死無得食,吾係太咬就吞了,當然就卡住左啦!~

佢好辛苦咁嘔,但只嘔到小小出來,後來就好似呼吸吾到咁,牙肉仲開始白,嚇到我腳都軟埋..冬爸初話即去睇醫生,但我話無用架,太遠啦...佢呼吸吾到呀~ 後來冬爸冷靜後用人急救方向,按佢個肚,一按就嘔返出來了...

好快冬冬個咀都變回紅色,真係好彩,但我巳經嚇到面無血色了, 冬爸係有急救牌的,但當一發生事可能佢都太驚了,所以都等左陣,到佢回魂佢就即知點做~ 好彩冬爸依家晚上係屋企炸.

冬爸話按佢個肚仔令空氣向上推,令卡住物吐出來 ~

大家放心冬冬依家安好,昨晚訓得好甜,今早等我起身仲樣衰衰咁,早餐正常,大小便都正常,以後我一定會非常小心,全家都食切粒粒啦~

坐係到係昨晚事後照片,仲吾知死係咁r野食,下面個張係今早照片...

 踏入7月就2件咁既事,唉...過晒去過晒去,之後全部都好架啦

再見仔仔

冬冬識於細個時既朋友仔(仔仔) 萬般想不到會咁早就離開我地,昨日係冬媽第一次出席狗狗既葬禮,平時堅强既冬媽都喊到豬頭咁~

仔仔你係一個超乖既小朋友,永遠都跟腳,永遠都無脾氣,永遠都係咁順得人,我知道依家你應該係彩虹橋上面開開心咁跑緊,食緊,玩緊

須然真係好吾捨得但係個天要你提早畢業我地又可以點呢?仔媽希望你可以堅强同震作~

永遠懷念你仔仔

                                         2009-2015