復活節四天假

復活節四天假,你地有咩活動呢? 冬媽活動都萛多啦....

day 1 我入左東涌探朋友仔呀~ 之後仲去左機場食自助餐添..

 

day 2,我就休息左一天

day 3 我個舊朋友仔Dollar 生日呀~ 我地無見幾年架啦,所以只係人去,我都會出席依個生日會,Dollar 你要身體健康,日日都咁開心呀~

因為彭福公園又多狗又遠,所以我地都無帶肥冬去, 所以冬爸有時間同其他狗影相呢~

 依個妹妹叫Coco10歲,佢既主人吾要佢,依家會先入HKDR狗場,再等人領養,我朋友仔依家幫緊佢..應該好快會有人領養佢架啦..都吾知點養佢既,成個口得返4隻牙...哮..

返到屋企當然比肥冬搜身啦..唉...今次去咁耐又咁多狗味,嬲左我地兩老啦

day 4, 最後一天,亦都係冬爸既生日..

首先我地睇早場 ,超人打戰蝙蝠俠..但講真我真係覺得麻麻地

 之後食埋個泰菜自助午餐就返歸陪肥冬lu...4天假期就咁就完左lu..

3月22日閒遊香港仔水塘

太耐太耐無同肥冬去玩啦! 之前特登請左22號一天假唸住少人少狗同肥冬遊水塘,點知21號落狗屎咁...唉..心唸又無得去了!

點知晴天冬發功呀)))))))))))

Yeah 須然個地有dd濕,但係全日都無落雨仲好好風添,豬仔行得好舒服,全程都笑笑口

今日肥豬超開心,跑左幾轉添..叻豬囡

 肥冬你依個咩表情呢? kakaka

 今日冬爸話天色吾好,所以影出來既相吾靚,但只要係肥冬我覺張張都靚~

 笑一個,玩左個幾鐘回雞lu..............................

悶悶的天氣

春天周圍都濕立立咁,但今年既香港除左濕仲係凍緊, 下星期復活節仲話會跌落13度,夠竟幾時先會回歸正常呢?

肥冬外國驗血報告終於出左啦,一切正常,藥物對肝膽影响指數係其底呀,即係佢肝膽都無比藥物傷害到呀! 真係好好既消息.

冬...媽咪覺得你係一個堅强既小朋友,我知道你每一天都為生存而努力,媽咪會一路係你身邊同你一起努力,加油哦,我相信你終有一天所有藥都吾駛食既

我的迷李冬(羊毛桔桔)

等了又等,終於迷李冬面世啦,我係2015年9月就落左訂架啦,半年後終於收貨....

收到貨後我真係不禁暗暗地大笑起上, OMG 點解會咁似架 ~ 冬媽係一個藝術零天份既人,你叫我劃公仔,我會劃火柴人出來haha

其實桔羊毛公仔真係要好有藝術天份,因為你要桔到佢地既神韻,吾係個個做得到~

好啦..睇下大師作品先..

 冬冬背面常要跟到十足啦...

但大家都估不到既係...連腳板底都跟到十足呀hahaha, 店主好有心,問我冬冬腳板係咪全黑,我話吾係呀,就好細心咁分晒左右,同前後腳咁影比佢睇...嘩...跟到十足喎,好開心呢!

 麻煩晒大小冬比個背面大家睇啦..你睇依個hea 坐姿係我專登叫店主做架,懶人hea 坐,一邊腳特出左出來.kakaka

 最後來個正面合照啦..yeah,連笑容都似晒100分呀~

大家係咪好心急想知邊樹整呢? 你地可以係facebook 揾wool pet pet 就得架啦~

仲要事項大家都要留意

1. 手作仔野其實係無話特定既時間既, 因為要做到似,同全人手造,有時會超出所須時間架,如太心急者我唸未必適合購買啦.

2. 因為佢地係跟相去桔,所以大家要選一張好鐘意既相,因為佢桔出來神情其實係同張相十分相似架,所以揀相要嚴選,吾好到時話吾係自己心中既寶貝

3. 店主桔完後會先給你過目, 個時就可以覺得邊到可以修改同店主慢慢相討

3月6日覆診日

又過左8個星期啦,今日冬冬新磅數係13KG ...OMG, 真係要減減佢了, 今日主打去驗血同匯報依2個月既lam咀情況, 其實係1月lam左4次,2月就lam左5次,自從上次加左藥後,冬冬lam 咀時緊張程度同時間都有所減輕,但當氣温一度急轉又或者受驚嚇,當晚返發既機會就大好多了...

總括係穏定既, 今日大約0930就到步, 估不到10點鐘就入去見呂醫生啦,

匯報左病情後,照慣常要冬冬行同跑比醫生睇下,檢查眼仔敏感度,聽下心跳依d基本野全部合格,跟住就講解下驗血啦,今次會分2部分.第一部分係平時普通全血檢查,第二部分係send出去外國驗肝功能指數，因為其中一隻止抽筋藥特別影响肝腎的

大約中午電話到啦，驗血報告肥左2個但都萛係好消息,其中一個係上次關於脾臟血指數,3千幾,今次大大回落到1800幾,1800係正常即是好消息啦..

另一個係腎指數,應該係9點幾正常冬冬係11點幾,高出少少, 其他指數全部合格

以上兩點我都對於佢平日生活飲食有所調整
1. 脾臟血油脂指數,之前我用無水煮方法煮homemade，可能真係太油關係令到佢指數拉高，所以由個日起，全用水烚，今次報告咁好差小小合格應該有所關係，要ｋｅｅｐ　住咁做啦

2. 腎指數高,問過姑娘應該係蛋白質太高所在,咁岩依個月我轉左牛味糧,佢蛋白質係高過之前雞..我唸都因為咁有所高出,所以我會盡快轉返雞糧啦...

依家起等10-14日就可以聽埋外國份報告我就可以安心啦,到時醫生再調整藥既分量

今日亦都係冬冬病發2年了,我好幸運冬冬還在我身邊,我會梗加珍惜同她的每一分每一秒,你要健康呀! 陪多媽媽好多個2年架...