感觸 - 腦膜腦炎

其實寫blog 係由我想買冬冬時開始寫,去觀察,學養狗開始寫起...由yahoo再過左來google 7年,足7年既時間...好多謝仲keep 住睇冬媽發up風既blog 友.

噚晚收到腦炎病友Didi ma 既wp, Didi 再一次腦炎返發, 聽到佢既錄音應該係醫院,因為背景好空擴,聽到佢有小小抽烟鼻音,我個心好痛,真係好痛...好像回帶到2年幾前冬病發既晚上.

生死只係一線之間,凡人又怎能去控制呢? Didi 好叻仔渡過左危險既一晚,但依兩日都好關鍵,今次病情還比上次嚴重,冬媽係到祝福佢,希望佢安然渡過,睇到BB 長大,可以一家開開心心.

 其實由冬冬病左依2年幾以來,有好多人都因為係網絡世界裏面揾到我依個BLOG ,睇到好多資料..冬媽都希望幫到各位家長平復心情去打依場大仗.

但我都寫左好多編,未必大家都咁有心機睇,就來一個懶人包吧.

1))冬當日腦白血球指數,我記得係2千幾,佢係左腦發炎,傷及腦幹,所以佢有一段時間左眼係睇吾到野..好彩後來慢慢可以睇得返.

(療程: 冬冬一日要滴三次眼jar, 因為當日佢自己吾太控制到斬眼依個動作,怕會因為眼太乾,傷及眼角膜)

 2)) 腸胃及尿道上經常性易發炎

(療程: 因為食藥太多,同埋免疫力太底既原因,所以腸胃炎同尿道炎,根本每2個月都會發生咁,每次都係回去睇醫生,食抗生素) 家居要注意衛生,如打針後一星期盡量吾好落街,除非要係街大小便就無法.

3)) 肌肉無力

(療程: 因為係醫腦炎既療程上要食一段長時間既類固醇,所以肌肉會係無聲無色間消耗,所以要係屋企同佢地操練肌肉,,用食物盡量令佢行多d) 食類固醇多同耐,同人類一樣,會易骨枯,所以屋企要墊好膠墊,葡萄糖安補充品係必須既.

其實什麼病都好,都要保持佢地心景開朗,我明白做係比較困難,但各位家長一定要加油,毛孩比人類本事得多,佢地看病與生死比人類輕,因為佢地終極目標只想主人開心快樂,所以盡量吾好係佢地面前喊.

 醫腦炎係一場慢長既仗,有人打勝有人打輸,又或者重賽...但點都好,珍惜佢地係身邊既每一分每一秒,將來我地都無遺憾.

 4)) 情緒控制

(關於: 其實無菌性腦膜腦炎點成因,真係一個迷,但係好多時狗仔都大多數係蛇呱怕事,所以當佢地一旦發病後,大家都要注意佢地情緒,不能太高涱,又或者太屈悶)

5))後遺症

(療程: 冬有局部性抽筋後遺症,依家食緊止抽筋藥,11月就滿一年了,暫時我睇吾到有咩副作用,可能佢藥量輕啦,暫時每隔幾個月就會抽血驗,由醫生監察住,我好放心)

其實令毛孩開心,最緊要每天同佢地散下步,傾下計...可以講下今日公司點點點..比佢地知我地都可以分享任何事比佢地聽, 攬下佢鍚下佢,咁樣佢地就好開心架啦,同埋我晚上係煮鮮食比肥冬食既,咁樣又可以健康d,佢地又食得開心

有無病,我地無得去選擇,但點去面對係可以揀,傷心過後各位主人加油.就萛結果如何只要盡左最大既努力就無憾架啦.(共勉)

 ((((注意))))

當日冬初期係頸側埋一邊,我地以為佢頸椎有問題,睇左2個醫生,當頸椎咁醫,食類固醇,初係有好轉的,因為類固醇有消炎作用,但一停藥就返發得好快,(幾個鐘內的事)當晚我地衝去pavc 睇急症因為當日冬失禁,得返一絲氣,急症醫生檢查左話可能個晚就走,好彩落藥快保住左條命,第二日睇神經專科呂大安,係到我真係要再次多謝佢兩位.

初腦炎,可能同腰,頸椎病有點相似,所以主人們要注意

好文章

今日想分享下我係網到睇到既一篇文章,令我個心輕輕地抽了幾下.

朋友A養了13年的狗狗迪仔過世，哭得死去活來。

佢 老公幫佢搵左間好好嘅寵物善終服務，陪迪仔走過最後一程。善終服務機構職員好細心，幫迪仔按摩返硬左嘅肌肉，沖完亮再幫佢梳順d 毛，A記得最後一次抱起迪仔時，佢好似只係訓著左咁軟棉棉，被風筒吹完嘅毛髮仲暖暖地。唯一唔同嘅係，A知道自己再聞唔到個陣只係屬於迪仔嘅味道。

A老公領養左一隻同迪仔細個好似樣嘅狗狗俾佢。雖然見到新狗仔個得意樣A都好鐘意，但佢每次諗起迪仔時依舊覺得好傷心，就算同一品種，個樣近乎乎一樣嘅狗仔，其實只要主人一聞就會認得出個分別。

對於愛過嘅生命，到離別時我們留得住影像，錄得底聲音，唯獨氣味，再深刻的氣味都會隨風散去。A送迪仔去火化時，喊住講左一句：好想再聞一次佢腳仔嘅味道，我好驚自己以後會唔記得。

聽完佢講我忍唔住喊左，因為我自己都養一隻10歲的比熊叫DaiDai。佢嘅健康係而家我生命中最關心嘅事，因為我知道年紀大嘅狗狗一病，尤其如果係癌症，有機會走得好快好突然。我知道如果DaiDai走左，無論我幾唔捨得都可能會有一日唔記得左屬於佢嘅氣味。

同 A一樣，我好鐘意聞DaiDai嘅味道，近乎病態。就好似媽咪會捉住自己BB對腳仔，用力深呼吸聞完然後大叫好好聞一樣。如果DaiDai識反白眼應該會 不屑左我好多次。相信只有養寵物嘅朋友會明白呢種心情。明明自己屋企隻狗仔或者猫仔有牙石，個嘴勁臭，腳仔，耳仔都有佢地獨有嘅氣味，但聞聞下就會覺得係 世界上最親切嘅氣味，每次你一返屋企，就會向你撲面而來。

唔止寵物，對住曾經深愛過嘅人，其實分手之後，有時諗返起對方都會突然好想再聞下佢陣味。

大學時候嘅室友D同男朋友分手之後一直念念不忘，試過因為太掛住對方，特登買左對方一直用開嘅香水返黎，每次諗起前男友佢就會開支香水出黎聞下，我地後來將個種香水定義為失戀嘅味道。即使彼此已經分左左好多年，只要係人群中聞到呢隻香水味，D就會諗起對方。

史鐵生係《我與地壇》一書中曾寫道：「味道是最說不清楚的。味道不能寫只能聞，要你身臨其境去聞才能明了。味道甚至是難於記憶的，只有你又聞到它你才能記起它的全部情感和意蘊。」

第一次意識到呢個世界有我知道自己會好唔捨得，但無法記得嘅氣味時，突然發現送一支香水俾一個你愛嘅人其實係一件好浪漫嘅事（當然前題係對方都鐘意個隻香水味），即使將來緣聚緣散，我地可能會有一日走散，亦最少留下一種屬於彼此回憶嘅氣味被記錄及追憶。

純粹思考題：到底影像、聲音同氣味，邊樣最容易勾起一個人對另一個人或事的回憶？ 

TEXT / Diana CHIU

當我讀到依一句(( 好想再聞一次佢腳仔嘅味道，我好驚自己以後會唔記得。)) 我眼淚忍不住流下來, 我還記得當日冬冬係ICU訓氧氣箱時,我喊住望住同佢講, 比我再抱多佢一次丫, 一次都好..

 希望各位睇到依篇文章既主人, 當大家每日好努力工作,或者拍拖,或者打機同時,多分一點時間比佢地,因為寵物既一生有大半時間都係等待佢地最愛既主人...

你知道等待係幾難過嗎? 

8月20日肥冬影樓再體驗之日光

好啦..未寫影樓篇之前匯報下肥冬係美國份驗血報告先, 冬媽我真係大頭蝦竟然miss 左呂醫生個call 好彩醫生好細心留左言比我,但係呢..我又蠢第一晚無聽架,後來唸唸下,會吾會有留言呢? 先聽返個mail box 真係有喎..wakakakakaka 係咪超攪笑呢

冬今次驗血報告顯示肝同膽汁功能正常, 致於抽筋藥於血既含量係18, 上一次5個月前係17,呂醫生話佢地想藥含量係介於..15-35 之間, 所以冬其實藥量極底架.所以吾會減藥啦.

另外對肝既影响指數今次都係0 姑娘話0-19 係正常20-30係可接受範圍,但要開始觀察住,30以上就應該要減藥又或者要食補給品了,好開心冬冬係0呢~

另外依個星期,冬總共lam 左2次, 1次係因為樓上裝修佢無覺好訓, 第2次係因為天氣問題,我都記錄在案啦,下次覆診時可以同醫生講返, 但放心,2次都係好輕微lam 咀同口水都吾會好勁,所以我覺冬冬好叻女了.你要繼續加油哦.

收到咁好既消息後講返影樓啦,今次點解又帶冬冬去呢? 因為上次幫朋友仔影相覺得用日光影都好靚,加上場地佈置又好,所以決定在同冬冬影多次.

好啦..吾講咁多去相))))))))

 依個為食豬見到野食就流口水

 今日大愛依個造型呀! baby 咁

 多謝虎媽設計咁靚既字,堅鐘意呀!

 肥冬話佢真係皇室哥基來架^^ haha (個皇冠真係我係英國白金漢官既禮品部訂返來架)

 今日仲有另一位主角係虎虎啦, 佢真係超乖又鍚肥冬,可惜今日冬冬可能之前有lam 咀既關係心情吾多好,所以吾想同虎合照,又或者室內太大壓力了...遲下天氣涼返再約去郊外玩啦

今日冬媽冬爸大愛作品之一, 虎咁趴底真係好可愛呢

其實小朋友衝衝10多年,相片就係我們將來既回憶,所以主人們你地真係要影多d呀

要影相相架

其實一向冬爸都好鐘意同肥冬影相既,以前我只覺佢好煩...咩都影一餐,但當冬冬病後,我發覺其實相係要影既,因為將來就便成美麗既回憶...當日病後我整個一張圖,係佢病樣演變..

當然依家變靚女都要回顧下啦....

                                                                 2014年

                                                                       2015年

 

2016年

睇返真係變化好大...囡呀..媽媽好愛好愛你呀~ 我吾知道時間仲有幾多,路還可以行多遠,但點都好..我一定大大加咁捉緊時間,珍惜每一分每一秒..

8月7日覆診日

時間過得好快,2個月又過去啦..又係時候覆診,今日仲要食野2個鐘後準時返去抽血拎去美國驗添,包括驗肝功能同埋抽筋藥係血既含量...仲有..IN HOUSE 驗返上次肥左既指數..UREA 同LIPA..

又到磅重既環節啦..好彩都係KEEP 住12.8KG 啫...

坐左陣就拉左我入去抽血啦,今日D姑娘好好手勢,係手仔抽左一針就成功啦kakaka

巡例匯報下情況比醫生知,其實係依2個月裏面,有2次懷疑lam 咀既情況,1次係下巴濕左, 1次係床仔濕左..跟住係打風個日有1次係真係lam ,但時間好短只有2分鐘同好輕量口水幾滴,好快就自行控制到啦.

呂醫生話我進度幾好,話等埋外國份報告出,可能減藥呢~ 仲話應該3個月先再返去覆診,實在太好了.....

係等in house 驗血其間,媽咪帶左我去shopping ,哼....最後一樣都無買比禾...激屎啦..

今次in house 報告好靚仔,全部合格啦...yeah ,咁就安心咁等外國份報告啦.