無無聊聊整餅餅

上次冬冬因為食左有問題WET NOSE 餅餅勁嘔後,依家大部份小食都係冬媽自己負責返了!

朋友介紹淘寶有支麵粉棒好正,即管試下淘啦! 因為冬媽係新手,好多時麵粉團都碌得吾平均,依家有左支正棍咁就靚好多啦!

今日整左,豆腐吞拿魚紅莓亞麻籽燕麥餅! 試食員都非常滿意添!整左幾次冬媽開始上手,依家送禮都吾會失禮人啦 haha

 

 就係下面支正棒啦..大家都想買可以係以下link,我以下工具都係在這間商店購買的

http://item.taobao.com/item.htm?spm=a1z0d.6639537.1997196601.27.UY997X&id=40175437097

8月10日打針後一星期鬆一鬆

打針後又過一期了,又可以落街鬆下,好彩太陽伯伯頂住..無落雨咁就可以散步去了!

今日奇蹟再一次發生係冬冬身上,佢竟然跑呀! 蠢媽媽吾識改檔案,所以up吾到條片比大家睇,放心我會keep 住試下既,須然只係幾步,但係可以睇到佢腦比反應佢手腳,非常好.....

冬豬,媽咪相信你一定完全康復既, 加油哦~~

食得健康

今日講下冬飲食, 冬冬自2012年12月開始就晚餐homemade 了, 初初由每個六日,跟住改為四至日,...到依家晚晚都煮,好快就2年了!

你問我有咩好處,我只答你幾好狗糧都有好多添加劑,防腐劑...咁又會問我點解吾轉晒全homemade 早上還要食糧,因為糧入面好多維他命維生素,冬媽還未計得咁準咁好..所以就食半homemade 了

當係選材料時,我都會選用有機,或者外國食材多d,因為現今好多大陸食材真係見到都驚,你話我巴屎閉又好點都好啦...我係一個吾like 用名牌連睇戲都等出DVD 既人,但係食依方面總會比較捨得

下面係肥冬一D小食作品,有風乾魚, 焗餅,大菜果凍, 平時HOMEMADE DINNER 等...

講真現今社會好多人都係追求揾快錢, 將以前我細細個係街市除時都買到新鮮菜,肉,水果都變質了! 連一個橙一隻蛋幾銀錢貨仔,都可以做假....

須然好多人話你又點知有機即係有機..認証都可以係假...咁我只能說我揾錢買個安心吧!如真係假都比佢呃得安心~~ 我吾想係依方便去同人討論,因為每個人思想不同,我覺冬可以打到依場仗就係因為平時食得好 ,身體先頂得過...

7月31至8月1日腦炎針ROUND 6

話咁快五個星期過去了, 又係打腦炎針既時候啦! 講返依5個星期冬冬大致如常都係為食,都係黑面....HAHA

31號見呂醫生,一入病房醫生叫冬爸拖繩行比佢睇,主要睇冬冬後腳進展,總萛一路路進步緊,暫時冬還是未識跳同跑,不過吾緊要我相信遲下一定可以,就萛吾可以都吾緊要,我們可以散步去

檢查眼睛左眼還差小小,但無退步到咁就叫進步左架啦haha...檢查各樣反應都非常好!

今個週期仲可以減類固醇添.由2日食17.5 mg 變成2日食15mg 胃藥亦減小一粒

每次減藥冬都會梗加輕鬆,同人一樣啦食重藥總是迷迷糊糊,下次針期又推後一個weeks 即6個星期了....

`

每次大家見到冬都總說好陰公豬呀,面尖晒...但講真留得住生命巳經係冬家最大恩賜所以無論冬冬變成咩樣,或者以後都變吾返都好...無所謂的,因為呂醫生比多左一次機會我們了,我地會梗加珍惜