5月29日腦炎針round 4

不經不覺又三星期了,今次係第round 4 了! 今日我見到呂醫生不停咁問問題,當然呂醫生又解答晒多問題的冬媽啦,仲令我好放心呢! 可能就係大醫生威力吧!

1. 尿道炎報告,係昨日放工前就收到report 了, 好彩蛋白質降底晒又2個加變返輕微,即是話冬冬個腎無事呀! 但尿報告裏仲有小小血同菌,但醫生話吾駛再食抗生素,依家比多小小水冬飲等佢痾埋d菌出來就ok啦

2. 肝發大問題,因為依家冬食藥重所以都會有咁結果,第時停左藥就會無事,暫時都keep 住食補肝丸先!

3. 因食類固醇耐,所以冬冬肌肉都會鬆池晒,所以每日同佢係屋企行圈練返好d肌肉,呂醫生都話我做得岩呀!

4. 冬冬下一針可以隔多一個星期先打,即4星期因為醫生覺得佢進步良好呢, 真係天大好消息啫

今日同d姑娘傾開計,佢都話小動物吾知咩係病,見到主人喊佢地就知有事,見到主人笑就知無問題.其實咁都直接影响佢地病情,依排我真係開心左好多,可能咁都影响到冬病情都好轉了!

小貼示:


冬晚上係食homemade 既, 經朋友仔介紹知到牛蒡,露荀都對肝腎好,所以依排都有食,吾知會吾會有幫助,但食左無壞,冬又食得開心!

皮膚情況

20號睇完醫生後,一連搽左3日藥膏冬冬皮膚就好轉晒啦! 依家只餘下焦啫,應該好快好返了!

尿尿方便,好間吾中還有一些分泌物.但量吾多的! 27號亦再次拎左尿去化驗但報告未出,希望一切安好同有進步啦!

依幅係20號影既相,傷口紅腫仲間吾中會有濃添

 

依家係今早影既, 無晒傷口了,只餘下焦,等佢慢慢甩就好返架啦! 點解好似位置大左咁,只係一張趴係到影,一張企係到影啫kakaka Ian 好狠心剷大d就係吾想佢惡化落去, 毛應好快會生返,吾怕!

關節補健品

冬冬因為長期服用類固醇所以骨都會差好多,因為有機會骨枯同肌肉鬆池,所以關節補健品係少不了,冬冬係未出事之前都有食緊架啦,醫生都建議keep住食

以下2款就係冬冬食緊架啦, 左邊係我地簡親DS 葡萄糖安,右手邊係青口素, 分別每2星期就會一次只食是但一款,但如果一排腳仔震多左或者無力就會一起食一星期到,等佢强化左後就會變返食是但一款!

 

其實市面上關於狗補關節產品真係五花百門,冬媽都吾係識好多野,都係多得好多朋友仔上網不停揾資料,我先可以揀到一款適合冬豬!昨日係網站又見到有一隻發現問題了,而依款仲係好多狗友都食開添,見到肉容真係有點嚇人架

巳該樓主仲好有心,EMAIL 去生產商問個明白,原來佢地配方人狗一樣,咁樣會吾會有害呢,太多又或吾須要既成份又會吾會對狗有不良影响呢? 依D留代你地自己去分析了!

其實香港網站真係未必睇到咁多野,我朋友多數都會睇外國REPORT 再加分折先會決定比狗仔食,當然冬媽再保守D會拎埋比信得過獸醫睇,佢地都覺OK先比肥冬食啦,都係個句想小朋友健康就要主人行多步,千其吾好跟風,了解物品詳細資料及成份先好比狗仔食呀!佢地吾同人吾舒服吾會識同你地講架!

以上查詢骨水內容的樓主網站係下面,歡迎詳細睇下佢地講咩架!

https://www.facebook.com/glpetmart

5月20日過山車的一天

冬冬皮膚好得好慢, 所以一早BOOK定Dr Ian 我地都原定時間照去應診,一入到去Ian 就檢查冬冬,因早2日冬冬有小小血尿,所以就晨早留左尿帶埋去驗

Dr Ian 檢查完冬後,發覺佢肚仔有一粒好大舊野, 當時有2個結論!

1. 因長期食藥令到脾或肝發大

2. 有腫瘤

當時我雙眼充滿淚水, Ian 即幫我打電話比他的醫生好朋友預約超聲波,因Ian 診所無該儀器,好彩有期,所以我地即帶冬冬前往診所照, 係到不得不讚冬冬,照左30分鐘以上,但全程無須麻醉,冬冬都好定吾郁

照完之後只好帶冬冬回家等消息, 報告有機會即日或明日先返, 我就像等死一樣,好彩大約一個小時候,報告出了, 情況係1, 即係因藥物影响,醫生問我地比吾比冬冬食補肝丸, 並不是藥,當然好啦!

但是3小時候尿報告出左,有小小血,紅血球正常, 白血球達400幾,因為發炎中, 尿中無糖,但蛋白有++, 好彩問過朋友仔,佢話有炎症都會令蛋白高,依家乖乖成9日抗生素希望之後指數會回落啦.

我知長期食類固醇吾好,我知道打化療針吾好,但腦炎又勁我又可以點,我知道會引發其他病,我又可以點

冬冬好乖好生性,比藥都乖乖食晒,天..........希望你比個機會依個小朋友可以健康成長啦!

話比大家知我昨日有點洩氣,好彩一大班狗友支持我,養肥冬同時,識到一班好朋友,真係非常感動,我會從新再起步,會同肥冬加油

厚多士

網上近日熱講厚多士= 好多事, 真係笑到我死死下

我屋企都有隻厚多士架!講返隻厚多士肥冬先減類固醇2日了情況都OK 但近日香港潮濕關係掛,我見隻肥豬大脾位濕濕林林咁,一睇原來佢咬損左仲有濃添 ><


噴左一日神仙水都無用就放工買左支Chlorhexidine 其實同紅藥水一樣成效, 昨晚消左2次毒,今早見傷口收左水啦,咁都好d,似中冬冬依家抵抗力咁底,真係一波未平一波又起呢

 

剷大d位置等佢乾爽d,吾駛up住個傷口,吾好見個傷口無野,其實係有濃同小小血架!

 肥冬希望你身體健康,快d好返啦!

我的LC & STAUB

好啦..依排係咁出冬冬病況,不如換換話題講下冬媽另一心頭好先啦!

其實早前買左第一個STAUT 煲之後,冬媽係一路咁入小小入小小咁買左Ｄ珍藏品

今日比大家睇下啦！

香港係早幾個月前萬寧開始換ＳＴＡＵＢ煲喎，所以我就儲左３０個印花加左９８８換左個２４ＣＭ返來啦，　你睇我張全家幅係咪好靚先，　全部都係我至愛藍色呀 ^^

5月8-9日療程ROUND 3

話咁快又過左3星期了! 依3星期裏面冬冬試過頸位不能程水平線,好彩只是1,2 天的時間又回復正常了! 妹妹位置亦沒有綠色分泌流出, 真係VERY GOOD

今日見醫生11.7kg 比上次輕左d , 呂醫生問我們係咪幫佢減肥,但事實都係食咁多野,可能佢病緊吸收吾到啦!呂醫生建議冬最多都係12kg 喎.....但係我地覺得佢依家其實都係廋架,可能醫生總覺廋好過肥啦! 似中哥基腰椎間盤係一個好大問題

 今次醫生話開始減類固醇分量由食開20mg 減到去12.5mg 我地聽到都好開心,似中好轉先會減藥, 冬冬開始扭返個pat 同尾仔了,咁應該神經開始慢慢好起來


其實我同冬爸都發覺冬頭側兩邊位置都有凹下去情況,今日醫生解開迷團啦,佢話食類固醇既反應,會無左脂肪,依家慢慢減藥遲下脂肪會走返上去架啦...同埋依家d脂肪跌左落肚位置喎...咁都無咁驚....

冬右眼仔都係比較差小小,但進步緊, 後腳都係無咁多力,所以要keep住食補關節丸, 大致都係進步中既,冬家一定會努力架!