8月23日大晨早遊大譚

講好左今個月要同肥冬見下虎豬既,好啦..就一早0700 到達大譚郊野公園啦,今日真係令我喜出望外, 一早我巳經準備好車仔架啦,點知個衰妹吾想坐,我地大約行左成個鐘,佢全程自己行...仲無腳震添, 我真係好安慰呀~


因為咁早同埋多樹原估所以都好清涼..一d都吾熱, 但就係因為咁原來好多大狗都係依個時間行架,仲要係吾會上繩,有幾次嚇到肥冬勁吠, 不過佢地都好乖好聽主人講, 一句come就會走啦..相比好多細狗,大狗真係聽話好多.

虎: 肥冬我地好耐無見啦..
冬: 虎...望鏡先啦..吾快無野食架

你地真係合作..因為一起吾望鏡...good take 收工

 因為今日太多狗冬有一次吠到走晒音,冬爸又怕肥冬受驚嚇所以影得好少相炸, 好彩肥冬最後都keep住心情靚靚

依個位真係好靚,有機會再同肥冬來過啦~

行完梗係大人都醫下肚啦,我地去左赤柱cave 到食野,食物ok,重點可以比狗入,又有冷氣真係very good 呀

 肥冬: 我份all day breakfast 來左啦..吾講啦..bye bye 你條尾, 我吾客氣啦~

開訂狗仔中秋月餅

大家都知冬冬係Doogle Bakery 代言豬啦, 一年一度既中秋月餅又來開訂啦~ 點解肥冬會做左咁多年代言豬,首先佢所有產品用料新鮮仲要全天然, 就萛所有食品既出來既色都係天然食材既色, 一定吾會用人造色素架,所以食得安心又安全



肥冬: 今年月餅又開始預訂啦,要買就要快手啦,數量有限售完即止


 https://www.facebook.com/Doogle.Bakery?fref=photo

好吾好食..睇相就豬啦~

8月9日腦炎覆診日

因為之前BOOK吾到大早,所以今日跌左落去1230時間了,因為今日要驗血既關係所以我們都提早到...實在太多太多狗了,今日無影到肥冬相..預期之內去到抽左血先,咁一陣就可以見醫生時聽埋報告啦..

因為之前冬爸覺肥冬後腳有點跌腳的問題,今日都順便問埋...當醫生詳細咁檢查後一切正常,似中依運動比較少,肌肉相對都無咁好,天氣又咁熱落街時間又會短左,所以真係要操返肌肉先會好D....

另發現冬冬肚仔有黑斑, 依D都係因為類固醇既影响,無問題的.

另冬冬背有一粒野,今日醫生都好好幫我地檢查埋,都係油脂粒來,無野的

最後到驗血報告啦, 大家放心肝腎,胰臟,碘解質,紅白血球全部都PASS 晒 ~~  呼...真係鬆一口氣呀~ 但衰左一個指數就係相關油脂的指數,但因為要幾個指數一起睇,其他又徧底所以醫生話無咩大問題,係食物方面改變一下就可以了...

另外今次係12.5KG 醫生開始覺得佢肥啦>< 係時候要減減佢啦

冬冬之前由4日食2.5mg 類固醇,改為一星期一次...

希望佢順順利利咁搣甩晒d藥佢啦~

8月2日快閃數碼港

香港既夏天真係一年比一年熱啦~ 平均都有成34度真係出下街都成身濕晒呀~

要同狗仔出街玩,就得返游水啦,但冬冬係吾能夠受驚,所以我地為左佢早上6點起身,再快閃一轉數碼港啦 ~ 7點到步玩到8點鬆小小就走啦~ 當上到的士太陽伯伯開始發功...好彩啫haha 如果大家都想夏天跑草,依個真係一個吾錯既時間haha

太陽未升到最頂,剛巧草草又淋濕晒,好清涼呢...

 個傻豬好耐都無跑過草啦,好開心呢~ 但其實佢有小小潔癖咁架,因為d草都幾濕下..佢玩一陣又要上石屎地行一陣..因為佢覺草太濕林林呢

行下,休息下...好愉快呢,就萛咁早起身都係值得既

 大會指定動作...沙龍照..

 比爸爸偷影我地添, 但冬冬影相方面真係好合作呢~

噚日仲有拍片添,冬冬真係超級開心呀! 比大家感受下

下星期日又到覆診日啦,今次仲要驗血添, 希望事事順利啦~