追劇

講真由肥冬病開始,我好少再追劇...得閒就睇吾得閒就吾睇,依2年不停咁揾冬病歷,要食既食材,當所有野都穏定下來,我既生活又開始變回平淡,我真係好享受依種生活,不用大起大落, 不用半夜去急症室,不用返返下工急趕回家....原來平淡真係一種福氣

我見好多facebook 友blog 友都係韓劇迷,我來自星星的你..講真我無睇過, 跟住仲有好多套佢地都有追,我都無睇過,但近日有一套叫太陽的後裔就講得熱烘烘啦.

咁岩香港係依段日子開左個新台叫VIU TV,佢買左個版權,咁又比同事推薦下,我終於睇左第一套韓劇 kakakkaka

依套劇係香港網上都播完左架啦,我既睇後感係,由第四集打後會比較精彩,會集集都想追落去,但結局可能因應民意,所以加多左好多感情戲落去,如果比我揀,我想交代返big boss 點徒走法.

不過VIU TV粵語配音版還在播放中...所以肥冬都來襯一下熱鬧.....扮下姜醫生啦

Kakakaka 冬暮煙醫生是也..

 oh..可愛屎你地未?

 換上制服,當然要角色扮演一下啦, 今日特別請左林記冬爸,扮演屎人一個kakakakka

雨季來了嗎?

只係4月份但係雨天比晴天多, 真係天氣在變.....發霉既日子裏面都係無咩好做,焗下餅睇下電視咁囉...

昨日星期天,無咩做,焗左姜黃粉,南瓜燕麥,無殼麥麵粉餅餅..試食員等到不急及代啦

 肥冬: (打喊路)...好悶呀.早小小開飯啦...

昨晚晚餐有,小松菜,南瓜,雞上腿肉,三文魚..其實每晚都差不多吧hahaha 有魚有肉有菜咁囉

肥豬最憎我影佢相,不過佢每晚開餐前都要down 晒,要聽到指領ok先食得架~

加左藥巳經一星期了,初初我好怕佢又軟手軟腳無力, touch wood 又無喎...依個星期都好叻豬無發作過,肥冬你要加油哦~

4月17日覆診日

今週期早左覆診,大家放心吾係肥冬有咩特別問題,只係醫生之後會放假,又怕藥吾夠食,所以早d覆診啫.

講返依6個星期肥冬情況,其實大約都發作左6-7次, 不過明顯比之前有時係輕微左,即lam 情況少d,流口水量又少d

經醫生檢查後..好彩,依d小發作抽筋未有影響到眼同腳神經.我還問了冬冬能吾食藥嗎? 醫生表示應該無可能了,吾緊要...有藥食有藥醫總好過無嗎~

醫生話想換下藥,因為想負作用減到最底,但今次應該未換住,反而平日食開3/4粒藥,就晚上變成食1粒,應該想睇佢反應,...一個月後匯報病情

上次覆診係13kg,今次係12.9kg yeah ...減肥成功,比醫生笑佢減到100g, 但之前係肥左300g XDDDDD

肥冬話減肥好辛苦架...100G 好叻叻豬架啦

 肥冬精神好好,食得玩得訓得痾得..大家可以放心, 須然佢係一個長期病者,但我地會努力架啦,其實冬冬都7歲..佢身邊朋友仔都個個踏入中年或者老年了,各款問題都出現在,所以大家都要努力,正面D..一定可以打敗敵人架

其實每天我一起身望住肥冬會第一句唸..你還活著真好..須然無人會知生命幾時結束,但只要你的最愛還在身邊,一定要好好抱緊好好珍惜.因為咁將來先會無悔

4月10日Udon Pre - 7 Years Old Birthday

真係話咁快又一年啦, 4月13日係肥冬既7歲生日呀~ 所以約左虎虎今日去赤柱切蛋糕,因為天文台話會連落9日雨,我地都好擔心,但話早上會有短暫天晴喎,所以我地約左一大早去晨運啦.

今年肥冬有兩個生日蛋糕,依個係小冰ma送比冬既,叫花花世界,係咪好靚先.haha

跟住就係我order 既, Udon is my world 啦..係咪好靚先, 真係地圖哦

肥冬今年既外星人造型好襯個cake 呢...kakakaka

當然要同虎豬來個合照啦..兩個開心豬

食完cake 襯無雨就去左散散步添..晨早既赤柱大街好少人呢

好多人都吾知肥冬有幾大隻,你睇下虎係男仔,冬係女仔,但骨架長度都係大過虎架,所以佢係標準既大隻妹.

依個pat 話比大家知,佢真係肥返晒啦haha

虎pat....

冬冬自你病後,每年生日我都好感動,媽媽希望你身體健康,開開心心咁過每一天,亦都希望你能陪媽咪多一點, 你一定要健康哦

4月4日兒童節

今日係假期最後一天,有好多打工仔都會拎埋早前幾DAY 放一個長假既,明天應該又係巴士迫爆又塞車既一天了...

最後一天假係清明節,亦係兒童節...我地係早前復活節假無同肥冬出街就係留力,今天去數碼港比佢踏下草草啦..今日個肥妹仲學人典草...唉..相機影吾切,但一定最嗅個到典個到囉,正衰妹,沖左幾日涼炸...

須然數碼港無彭福D草咁靚,但勝左離我們家10分鐘車程...都萛係一個大既狗公園..咁就玩住先啦...肥冬太耐無踏草,今日係咁撩掉波...傻妹妹

依個姿勢好靚呢...不過係時候要減一減肥了Kakaka

今日動態相好多..不停咁跑..又行快步超開心..

難得坐定定左..幾十秒..

真係好開心..mi 晒眼啦))))))

跑跑追追..好啦玩左40分鐘, 係時候回程了. 吾講吾知肥冬吾係一個玩到癲晒吾識停既小朋友,佢真係一夠就會吠..通知我地要走啦..玩夠啦,回家啦...hahaha 通常佢係咁望住我們吠,就等如要回程了....