udon: 2014

2014年12月30日星期二

展望2015

2014年一定係冬家最艱辛既一年,自從2月16日起惡夢足足困擾住我們!

今年無咩值得去回顧,只想冬冬係2015年可以健康活潑咁成長落去,

希望2015毛孩,大朋友小朋友都可以健健康康,世界可以和平,吾好咁多天災

今年無機會去大棠影紅葉,就用返上年個張頂住引先啦! 出年見啦..咁多位blog友

2014年12月26日星期五

12月26日boxing day @腦炎針round 9

今日係boxing day 你地拆左禮物未呀! 今日冬冬要覆診,順便驗血同驗尿!!

我心情真係非常緊張呢! 今日冬爸要返工,早上要獨自一人帶佢去,下午就可以同冬爸一起去啦!

今日11.8kg 重過上次0.5kg 呂醫生問係咪食得太多呢?

今日檢查雙眼對光敏感到一樣,真係超開心呀!

到黃昏又再打第二針,好緊張個報告呢! 肝指數由上一次366下降到200, 因冬依家都食緊藥,所以肝指數會高一點,係可接受水平,白血球指數亦回復正常水平, 腎指數就高左好少,醫生話冬尿濃到高所以都會有所影响,好彩其他腎指數都係正常水平,所以暫時不用擔心

另驗尿報告有菌同小小紅血球,所以要食兩星期的抗生素, 12日後再驗尿,但其他指數都OK的

因為冬試過好多次尿道炎,加上又食緊咁多藥,返發指數都會好高的.

總括其他血報告全變返正常水平, 今日boxing day 依份禮物實在令我太開心了

冬家可以開心迎2015

最後報告返舌底粒瘤,醫生建議暫觀察住,不急於切除,等冬冬病情再好d就可以用電的方法切除! 但如特然變黑或發大就要早回將佢切除,

冬冬,媽咪希望你身體健康,就係我最大的禮物啦! 希望2015大家都身體健康,開開心心

2014年12月24日星期三

12月24日平安夜閒影

今晚係平安夜,冬家祝各人都平平安安,身體健康,開開心心咁迎接2015

冬媽今日都拎左假去準備晚上既聖誔大餐,但都不忙同冬冬去影個靚靚聖誔相架

因為過兩日又要返醫院打針啦,所以就近近地去附近公園影個相,吾想肥冬太操勞嗎

個衰豬真係表情多多呢

好鐘意依個聖誕look Merry Christmas

鍚一鍚,甜晒...

今年無得影紅葉,見依棵紅紅地,都影下啦

各位玩得開心d啦! Merry Christmas

2014年12月18日星期四

12月17日優閒的平日@數碼港

今日非常凍,係香港今年最凍既一天,早上溫度大約10度,如新界仲跌落10度以下添!!

咁岩媽咪請左假,可以係暖暖被窩到訓到10點kakaka, 訓醒後媽咪帶我去數碼港跑草草喎...yeah

早上來到仲有暖暖陽光,曬住跑咁就吾凍啦

可惜最後都比媽咪鬧獲金, 因為我就去食地盆佬餘下飯餸,有肉餅同大大舊廋肉呀! 咁當然吾係食晒啦...我比媽咪發現,佢扣我喉...真衰..明明食到咀邊,只食到小小落肚,仲要比人鬧獲金..哼....

要求小食時,永遠都係可憐屎光....

咬咬咬....樹支我都吾放過,又想咬落肚,又比亞媽鬧 ><

媽咪話我地天生真係屬於大自然,尢其海與草..每次跑草草我地都特別開心架^^

2014年12月13日星期六

12月13日遊赤柱迎聖誔

足足十個月啦,冬冬都無同虎虎去街街啦! 冬冬病情都叫穏定所以就約虎家今日同遊赤柱,試試水溫先 ^^

一見到虎家,冬冬勁搖pat 開心到不得了呀! 跟住我地行左一陣就醫肚去啦!

依隻屎肥妹, 見到野食就流晒口水啦

多謝今日虎媽為冬冬準備一身打扮,靚靚圍巾同聖誔頭cool 添, 冬話亞爸快小小好吾好,黑面比你睇kakakaka

好啦.....比返個甜美樣大家睇啦

虎都好開心呢....因為太耐無見啦

好啦..吾好講咁多, 睇靚相啦!

終於可以影聖誔樹啦

今日冬媽至愛靚相,甜美笑容

今日出左來4個鐘啦, 冬冬超級開心,我地吾想佢太辛苦,所以就回程了....希望好快就再出動啦!

2014年12月8日星期一

舌瘤(一)

係11月中的時候媽咪發覺我舌底有一特出白色物體,細問爸爸佢答係飛滋,但媽咪見好耐都吾散,終於係11月22日去睇醫生啦

醫生結論係一粒舌瘤,表面睇吾似惡性,點形成呢? 可能係我LAM 左DIRTY 野,可能係鈣化,可能係增生.....無一個確實答案,依粒野係吾會自動宿細架,亦吾會爆,一定要切左佢..但依家我醫緊腦炎,係咪適當既時機呢? 因為麻醉係有風險的,我地腦有事既小朋友相對風險仲會高一點

醫生叫我地月底覆診時問下呂醫生既意見先, 咁媽咪暫時有代觀察住...

媽咪定時會為我影相作比較同觀察住變化,依家由發現到現在都一個月架啦, 無再大到亦無流血......點解媽咪依家先講,因為佢無用囉,初初又擔心呀..又無心機,好彩有一大班朋友陪佢減壓,依家先有勇氣再寫囉...

大家放心我依家好精神架,行得走得食得訓得....,你睇媽咪想影我,都郁鬆矇架kakaka 因為我行得太快囉........

其實由冬冬出事都今天,發生左好多好多事,身邊朋友都一個個咁病,點解...可能相識的朋友都開始步入中年期了,生, 老, 病, 死是必然的, 我們只能做到活在當下珍惜每一秒

大家朋友仔加油呀!

2014年12月2日星期二

香港大特搜

早幾日收到香港大特搜有位朋友仔聯絡冬媽，好想將冬冬ｂｌｏｇ轉載係佢地個網站,咁我就入去該網站睇下啦,感覺同yahoo 多方便都有方式幾似,咁就應承左佢啦, 如果大家係依個網見到冬冬blog 文章都吾須要驚奇,佢地吾係偷相呀,我係同意既!

http://www.seewide.com/space-1885-t201412.html

以上係冬冬大特搜站大家有興趣都可以係個邊留言架! 仲有佢地係會設有稿費,即是越多人睇就會收到積分再換稿費,冬媽巳經同聯絡人有共識,就是如果冬媽有稿費就用冬冬名義 -損去國際聯合兒童基金!! 希望幫到梗多既人

聖誔CUPCAKE

又到聖誔又到聖誔~~~~~

依個咁歡天喜地既節日,吾知大家會同毛孩去邊玩呢? 肥冬暫時都未有定案,係未唸到前不如食左先啦KAKAKA

Doogle Bakery 聖誔將會推左cupcake 呀! 因為小冰媽係限量制造所以會接既order 都吾多要訂既就要留意以下專業啦!

所有顏色都係用天然食材顏色整既,一定不含人造色素,肥冬咁既體質食左都無問題就知安全啦kakaka

以下link 可以作參考

https://www.facebook.com/Doogle.Bakery?fref=ts

肥冬作為代言豬,每一次節慶都吾會 "媽 full" 架 hahaha 你地話靚吾靚先,

今年cupcake仲用左火雞同紅莓做，食到肥冬 lam lam 利呀

2014年12月1日星期一

11月30日

好開心今日就係12月啦,亦都係冬媽至喜愛既月份,聖誔節真係好開心架!~ 香港依個星期會轉冷,星期後還會下雨添,應該會仲凍啦!

昨天星期日見天氣幾好,又未去到咁凍決定出去同肥冬玩草草啦!

足足有10個月既時間,肥冬都未踏過草地了! 一去到心情比較緊張..跟住行下行下開始就興奮起來了!

開始享受草地樂趣,開心到佢呢

玩完草草又係時候做磨刀啦~~~ 係冬未出事前我成日都想同佢影靚婚紗相,但一路都拖下拖下,今日我終於完成依個夢想

依幅相冬爸好似我抱個女嫁出去咁喎KAKAKA 其實我兩老又點捨得嫁佢出去先得架^^

大家又覺靚吾靚,可吾可愛呢^^ 我就好滿意啦~~ 暫時影下先遲下再賬返個頭多少少,就約虎去影HAHA

2014年11月24日星期一

腦炎

唸住11月有一個好既開始,點知昨日冬冬腦炎返發,佢同往日吾同,無叫我起身餵早餐,想fing頭又fing 吾到,身體比較倦,我知道一定有問題了, 好彩是星期天,我不用上班,到9點鐘日間診症時間我打去問有關冬冬情況,須不須要見醫生

醫生回覆,腦炎針是定期打的,依家冬冬情況可能減藥影响,(應該係吾夠藥力) 所以即日加回上一次份量, 再觀察兩天再打電話回報

幸運的是今早冬冬如常叫我食早餐,又fing 到頭仔了,我好開心...我知道腦炎係一個漫長既病,從前都有唸過一絲醫好晒既機會.

但好多醫生,病友都話好易返發,咁正面d唸,係冬冬仲係我身邊既時候我要好好咁珍惜賺回來的每一秒

好多謝我身體出現既朋友仔,我真心感激,我會向前看,無論日後係點,我一定無悔

只要冬冬精神我就會同佢去散散步,看花看海.....

blog 友都好緊張冬冬,送上昨天散步相, 明明未加藥但一聽到去街就即刻起身,小毛孩都是喜歡公園的

只要冬冬開心的事情我都會做,加油小肥冬

2014年11月3日星期一

感動的11月

踏入11月只有三天,今日就有一件令我非常開心感動的事情發生左, 肥冬竟然跳上sofa, 須然依個動作係錯既, 但係冬冬3月病左後,佢由吾識跑吾識跳, 到一步步見佢再跑返,到今日佢再跳返, 依d係一個腦部受過傷既病狗來講,係一個非常大進步!

依篇文章我無唸過要寫d咩,只係好想好想咁記碌下來, 我真係好希望冬冬有搣晒d藥同好返的一天!

我相信一定有奇蹟架!

2014年10月31日星期五

10月30&31日腦炎針ROUND 8

話咁快到ROUND 8 了! 今日冬冬都係好精神咁見呂醫生, 仲係醫生面前跑添, 呂醫生詳細檢查肥冬後,覺進展非常良好,下針期為8星期,另將藥物減左,平日一天食5MG 類固醇,同75MG免疫系統藥! 昨天開始依兩款藥隔日食,真係好開心呀! 希望冬冬好快可以搣甩藥物啦

加油肥冬....你一定可以康復架 ^O^