寫寫我的心

今日好想寫下我既心, 可能好多狗友朋友都覺冬媽好堅强, 好高EQ 實情冬媽係一個好典型巨蟹座, 將吾好既野留住係內心, 表面永遠都係歡樂無比的, 永遠都是什麼問題都解決得到!

當2月17號冬冬病發開始, 一路都醫吾好咁, 我隔幾天就喊一次, 明明一級頸椎為何醫極都無起色, 為何一停藥就打回原型,依一切當時只係我不停咁問內心的冬媽,點解...........

好多狗友都叫冬媽吾好心急, 我知我明..但實際做好困難, 可能我覺得同我預期又咁大落差, 一級頸椎只要困住14日會有好轉,為何一停藥就會打回原型

一切一切於3月5號解開左迷團了! 須然病情惡化得好快,但係總萛揾到真正既病因了!

當然要返工又要做家庭煮婦冬媽來講, 仲要照顧一個病得咁嚴重毛孩真係有一點吃力, 全天候望住個CAM 佢一有咩異常就要即回家, 常常見佢好倦好辛苦咁訓在地上, 我就好擔心...

原來加加埋埋我壓力就快爆煲了! 我開始害怕面對佢, 當家中一有人我就無估借意落街, 不停咁行不停咁行..原來我真係太大壓力了!

後來好彩堅强的巨蟹自我調節得好快, 終於面對到所以困境, 依家可以如常生活了!


可能我既堅强傳到比冬冬啦, 我覺得佢好頂得好堅强,所以針藥佢都不出一聲, 默默承受, 冬媽媽真的好愛你, 須然往後吾知仲有多少路可以同你行下去, 不過我會永遠都自豪有你一個咁叻咁堅强的女兒! 我不是灰, 只是看破人生...

十二夜導演講過,當你養第一隻狗時,佢會教識你們好多野! 真的冬教識我, 人生就等如佢地生, 老, ,病, 死,是必然,你有無好好珍惜現在, 你有無好好珍惜你家人?

當死亡係一定會有既時候, 不如好好珍惜今日還看到這個世界的每一秒吧!

4月17,18號 化療針ROUND 2

講返冬冬情況先, 12號晚冬冬下面妹妹位置流出綠色物體,就似女人白帶一樣有嗅味的, 心想應發炎了! 當天開始比多D水佢飲,希望佢沖多D出來會舒服D, 跟住個2日好明顯消失左了, 到16號朝早綠色物又出現了,吾怕明天見醫生了! 上網睇過應是陰道炎吧

 就是下面的物體了! 記住有咩事都要影相,咁先比到醫生知係點情況架!

因冬冬尿道炎同陰道炎都試過有以下2點不同之處可以比大家知道下

尿道炎:  狗仔痾尿時好像永遠都去不完咁, 成日都想上廁所, 但又痾吾出, 尿間仲會帶血

陰道炎: 痾尿是正常的, 但妹妹位置有異物流出,還帶點異味

經過咁多次來PAVC,冬冬都知無好野,你地睇幾擔心表情, 唉,,,,,媽咪都吾想架!

經我地再三講,今晚煮大餐,依位小姐先開心返炸!

今日見完呂醫生結論係,陰道炎,要加抗生素, 藥無得減份量,因為依3個星期無咩大進展,冬後腳依然無咩力,呂醫生話冬發炎指數係2016仲要係傷及腦幹,所以會影响後腳能力的,我地都明,似中冬今次真係大病來既

平時冬就係食依D藥架啦,分別有2款胃藥, 1粒類固醇, 2粒免疫系統藥,今次還加左抗生素添!

冬豬希望你早日康服,須然慢慢長路,但爸媽會陪著你走下去,幾辛苦都有我地在....


可能問點解又發炎呀? 應該冬抵抗力差左落街磚得太底痾尿有關,往後落街都要同佢抺下小妹妹先得了!

我的哎唷女兒

香港正在上影十二夜只係睇相大家都知係咩戲, 冬媽真係無勇氣去睇,只睇預告就喊到豬頭咁了!

其實香港同台灣或者同全世界都一樣,存在十二夜依個情況, 愛惜動物既我們又可以做到幾多,或者有人說只係一點點,萛吧啦! 但係我相信每人一點點集合起來就會好多!

如果大家係寫YAHOO BLOG 的朋友又係睇開哥基的你們都應該識我既好朋友高花, 高花家好有愛心領養左一隻由繁值場救回來的哥基, 佢的愛心令依隻小狗改變佢下半生命運!

須然我暫時做吾到領養,但今日我宣報我開始助養我第一隻狗, 佢叫Fido 囡囡 十二歲,佢係SAA住架! 我一眼望佢就好鐘意,因為係囡同埋三色關係啦, 情意結吧! haha 須然只係一點點錢,但係我覺得能幫到一點點都好ar, 我係表格上面填上助養到佢終老, 遲下我仲會去探望佢添!

希望大家不要遺棄,支持領養,愛佢地一生一世

4月13日冬冬5歲生日

終於等到今日5歲啦! 今年真係特別有感覺,媽咪希望冬冬豬身體健康,能夠同我地過多好多個5年, 須然係貪心左d,但係希望能夠實現啦!

星期五晚巳經食左生日蛋糕,今日近近地同冬豬去香港仔水塘遊下車河咁啦! 須然冬冬都依然比較倦,但坐係車仔到.佢好開心架,仲散左一陣步添, 放心我吾會心急,似中康復係須要時間,媽咪同爸b 會一起同冬冬豬努力架

有小冰媽蛋糕甜美笑容返晒來啦!

你地睇個cake 係咪勁似肥冬呢, 真係好靚架多謝小冰媽>3< 講真出面好多店都用色素去整cake,我本人真係吾敢比肥冬食,小冰媽用所有顏色都係用食物材料造出來的,連個公仔都係用甜薯加cream cheese 造成,比起用糖霜整可能變化無咁多,但全個食得落肚喎, 我梗係覺小冰媽你是最好的.haha

睇下隻肥冬見到自己忍不住一口食左落肚呢haha

天氣開始轉熱啦, 今日10點到水塘,好彩有小小風, 去下廁所行左陣就遊車河了

爸爸咁耐無同冬豬影沙龍,當然今日影個夠本啦, 冬冬都非常專業同開心啫

好啦, 休息左陣就回程了,因為我地吾想冬冬太操勞,須然坐車仔啫,但出街街佢地會好緊張架,所以我地12點前回到家訓午覺了!

媽咪希望冬冬你身體健康, 日日都咁開心咁就足夠啦!

READY 5歲生日

踏入4月就係冬豬生日既月份啦, 多謝上天再一次比機會我同冬豬慶祝生日

還記得我係小冰媽FANS 除左第一年我未識佢,之後每年都係佢幫我設計蛋糕的,今年亦不例外,每年我都會為依個寶貝設計造型同小禮物, 仲要係早幾個月前準備添, 但吾知點解今年我竟然無咁做....2月16出事後就梗加無時間了, 直到前日小冰提我有無閃咭收, 我話無心機整, 小冰媽話吾好啦,要每一年都集晒,所以我即造一下,現今網絡太發達啦,曬相都可以經網上進行,連拎相都可以寄到家中 HAHAHAHA


好彩冬媽一路都有好多好友幫助,連買靚靚圍巾,SHOP都可以為冬豬度身趕工去做起了


你地話今年造型靚吾靚呢,我就好滿意啦! 仲有小量閃咭多出,邊個鐘意都可以留言,冬媽歡迎寄到府上架Wakakaka

還記得係醫院最危急的晚上,捉起小冰媽的手說, 冬還未食你的蛋糕,,..小冰媽答冬一定可以食到架! 我知人要向前望,但依句說話印在我心深處, 13號係冬豬5歲生日, 媽咪希望你身體健康,能夠陪多我地好多個5年!

再賣下廣告都要小冰媽cake shop

https://www.facebook.com/Doogle.Bakery?fref=ts

訂冬冬圍巾 shop

https://www.facebook.com/pages/%E7%BE%8E%E3%81%AE%E8%B2%93%E7%8A%AC%E8%89%AF%E5%93%81%E8%88%8D/154825344599655

大家有興趣都可以去睇下架!

4月5日落街散步去

一連落左成星期雨,冬冬昨日開始試落街街啦, 初初佢有點驚,當然啦個幾月來,每次去街都去診所或醫院吾驚才怪呢?

4月4日冬爸突發OT 只好我一個帶肥豬落樓,初時有點緊張,之後就輕鬆起來,大約行左5分鐘多D我地便回程了

4月5日今日還是風和日麗,冬爸今日準時收工,可以JOIN我們一起散步了!

今日還開左戰車落街添, 你地睇笑容滿面呢

似中還是康服中,所以行左一陣就坐係上車仔到休息, 冬冬公主好享受呢