走下去

9月我睇返自己都好勤力丫, 不停咁寫blog ...我唸到10月又懶豬架啦hahahahhaha

 昨晚同肥冬散步比我影到一張好有意景既相,相中無限浪漫....

依年好像係不好的一年,係facebook 有好多小朋友相繼踏上彩虹橋之路,亦有小朋友明明日日玩呀跳下但一夜間就病了,正如肥冬無拉拉痾血屎,原來細菌敏感了,當每天生活步伐都正常既時侯,但危機往往都靜靜在前面等著.

對於冬媽來講,由養肥冬開始行緊都是一條不平坦的路,但都不緊要..就萛咩情況都好我地會捉緊你手好好的走下去,直到你畢業既一天.

幸福其實係好簡單,只要你每日花一點時間同佢地散散步, 放下你的手提電話,專心一意同佢地行幾十分鐘,佢一個回頭微笑,就係工作一天幾倦都好的原動力.

9月25日影樓 - Oscar, Smurf,小寶

今日又幫小朋友影相啦,真係好開心...今日主角有Oscar 佢係一隻唐狗當日主人係義工到領養佢返來架,初初係大約手脾咁大隻,但大大下變左隻馬kakakaka 一陣大家都可以睇到相架啦,但好乖好純架....第二主角Smurf 男孩子今年10歲, 第三主角小寶女孩子今年12歲...

依位就係小寶啦係咪靚女先,佢好温柔架,一D都吾似12歲仲好精靈活潑

 Smurf 媽咪係有開賣寵物糧食同零小店,佢真係成個CEO 少爺仔一樣架,係咪威水先

 依個就係領養回來細佬仔...Oscar.....

 樣子蠢蠢的..超可愛

 其實佢真係好小朋友同好温柔架

希望兩位主人都滿意啦,可以同小朋友留倩影真係超開心

9月24日立秋後的香港仔水塘遊

巳經立秋了，但香港天氣都仲係好熱，但一早一晚總萛帶點清涼的，今日就同冬冬遊下香港仔水塘啦

又到例行景點拍照留念

吾講大家吾知，當放左繩後冬會好跟腳架，可能怕我走左去啦，但平日我好少放繩的，似中市區太多車了。

咁樣影好似肥左好多咁，但依然係12.8KG哦

今日真係行得好開心呀～可惜個衰妹之後肚痾左三次仲帶血添，所以星期日即BOOK醫生睇，好彩只係小事，細菌令腸胃敏感，個衰妹係要我地洗錢先安樂，你要快D好返呀～不過大家都吾駛擔心佢精神非常好架。

慢活

香港人同香港狗都一樣好多時都好急好快, 假期就會盡情咁適放自己去玩去開心~

依D都係冬媽既寫照, 但自從冬冬病後依D咁急既生活係我字典裏面完完全全咁刪除了..

依家冬冬既生活係處於平靜的世界裏面, 不能太興奮,受驚...所以慢活就岩架啦.咩叫做慢活,咪即好似d公公婆婆咁囉, 行又慢, 食又慢..總知..退休人仕咁啦haha

每日如吾落雨既天氣,我都會同冬冬落樓下公園散步架,因為佢一整天都等媽咪放工,其實真係好悶,如果可以比佢申展下筋骨,又可以親子時間你地話幾好呢.

小肥冬一知落街就會係屋企轉圈架啦...因為又可以睇下撞吾撞到朋友仔,又可以周街八,非常開心呢

 咁靚既晚霞真係吾係成日見,所以要好好咁拍照留念.....

冬冬妹妹發炎個到,慢慢開始好啦,由初初帶黃綠色..到依家差不多全透明應該距離好返不遠了..多謝大家關心冬妹.

 其實有時行慢一點可以看多一點, 香港人你們太急了..慢一點吧, 因為時間其實行得好快,慢一點珍惜時間多一點.

9月17日小病是福

其實早兩三星期前,冬冬尿尿位置簡吾中又有分泌物流出來,同過往一樣啦,可能天氣差成日落雨,又比感染了,女仔痾尿樽得底真係麻煩,加上冬冬一向尿道炎有前科,反發機會亦相當之大呢...唉....

終於都係忍吾住要同佢去燒下符, 預期醫生講既野我都一早知道晒,亦清楚明白,好彩秦醫生一向都知冬冬之前食得藥多,都知我係吾想佢食咁多藥,檢查完話情況好輕微開左d碘酒
(稀釋)同佢洗妹妹位置,如嚴重左先返去配藥,實在太好了,因為我真心吾想冬食藥, 同埋醫生話食得太多藥,真的怕佢有抗藥性,這點我都是擔憂的,可況冬冬尿尿情況好正常,又沒有痾up 尿的情況,所以都放下心頭大石

依家係要佢自身免疫能力加强去對抗病毒, 冬冬你一定要叻女呀, 不過大家放心佢食得玩得訓得,一點事都沒有,只係有小小分泌物啫,我會勤力煲薏米水架啦.

 大家睇下佢,去到診所仲周圍吠,又想落地, 又呃餅食...真係醜死人呀haha

中秋節快樂

吾好怪我太遲呀~ 無法啦依家係屋企好難寫blog 呀~ 因為剛換左部Mac 機,真係咁大個囡第一次用,好多野都實習緊,包括埋個keyboard, 我一向用開window 機, keyboard 又順手喎,要我適應Mac 機 Keyboard真係須要時間架haha,所以我就hea 到返工先打blog 啦..

今個中秋仲以為會打風添,點知吹丫左, 但睇到新聞夏門同台灣都打得好勁,香港真係福地如果咁勁既風吹正,一定好多人命傷亡, 希望個2個城市都快d復原返啦.

中秋今年無落到街賞月,只靜靜地留在家中食飯,食月餅..但都好開心啦..肥冬仲有大肥雞加餸添haha..

 冬: 禾亞媽一向都有呃細路既前科架啦...但依隻會吾會真係雞來? 細成貢.....

 冬: 禾地冬氏上下,祝各位blog 友中秋節快樂,團團圓圓,身體健康 (須然遲左,但巧過茅啦..)haha

近況

丫...我又懶起上來無提過我隻小肥冬添, 大家可以放心近日佢都好好呀,食得訓得玩得,可惜香港天氣近日好差,不停咁落雨,所以襯地下有小小乾就會帶隻肥冬落去散下心架啦.

 去佢最愛既氹氹轉,即笑到由心發出來架 ^^

就快到中秋啦,希望天氣會好轉,到時同肥冬落街玩下燈籠啦