依篇BLOG好難打，好難受，但我想為冬冬做最後一點事，因為依個BLOG曾經幫過好多朋友仔，腦炎原來吾係最可怕，腦瘤先係取命的病，之前講過冬冬於 7月慢慢開始失明，原來腦入面生左兩個好大的瘤，於昨天瘤都開始出血了，冬冬 9.5年來經歷好多病痛，但有我地一家人去愛鍚，我唸佢此生無憾了，相對我地有冬冬依個乖囡，都無悔無憾！
今日冬冬畢業禮完畢後，冬家上下都會掁作起來，大家吾駛擔心我地
各位腦炎病友你地都要加大個油，各位家長你地要勤力煮HOMEMADE，因為冬媽似中覺得冬可以係咁病㡳下都維持到其他身體器官都咁良好，是食優質食物所致。
最後送上冬冬舊相一張，依張相係冬爸冬媽最愛之一，都會印在骨灰龕上，因為佢真係咁囂張，咁可愛，咁不可一世的靚女黑面女皇⋯⋯肥冬
別了⋯⋯我的女兒
13.4.2009 - 31.10.2018
如果冬冬能夠無乜痛楚，而快快去，都係佢嘅福氣。
回覆刪除冬冬喺你家一直都被愛被寵被細心照顧，每日都開心，係值得你哋以後時常記住嘅事。
冬爸冬媽冬冬blog，暫別。如果第二時有第二個小狗朋友....那時再見吧。多保重。
雖然未��過冬冬，聽到都好心痛������
回覆刪除希望冬冬響彩虹橋生活得開開心心
RIP