Meningoencephalitis 狗腦膜腦炎 @ 化療針療程

3月27- 28日

係出院後的第一針, 我地都好驚冬冬反應好大,還記得當日出院回來,連續3晚都嘔,第二日仲痾血添, 所以第一針我和冬爸都非常緊張

10點鐘到達醫院今日呂醫生要接見我們, 見到冬冬問返依幾日情況,進展如何,就放冬冬落地行, 冬冬勁衰,每次入呂醫生房一落地就痾尿,真係失禮死人呀!

跟住呂醫生話進度良好,開始可以減一粒類固醇了!但當然要小心觀察有咩問題要即帶返去

連續兩日針療程完左了, 冬冬無嘔亦無痾血情況,我個心終於可以定下來了!

踏入4月份,冬冬還食緊hills 的腸胃糧,但我見她的便便好轉了一段日子,所以過兩日可以開始homemade 返晚餐比佢食了!早上還是食返hills 腸胃糧啦

其實依家冬冬體力當然無以前咁好啦,但我會作不定期測試佢,點測試例如比手手啦, 叫佢轉圈啦...都會睇到佢反應, .....好明顯腦部真的開始好起來,還記得出院的第一天,後腳無力左手無力.依家全有返力氣了


由出院的11.8kg..跟住11.2kg 再今日磅的11.9kg 好開心體重開始回穏, 心想冬冬自己都知會打勝仗的

接下來只係定期返去打針,平時日常生活可以變回正軌了! 香港一連落一星期雨只好留待星期日好天同冬豬落街散步啦, 但為免佢操勞, 朋友仔送左架bb車比佢,行一陣就上車仔睇風景啦!

個幾月無沖白豬啦, 星期日要同隻小肥豬來個香香先 ^^