Meningoencephalitis 狗腦膜腦炎 一

今日冬媽都繼續介紹依個病,當冬冬有事的日子,我不停咁上網揾個案,可惜依D個案並吾多又或者狗主無寫BLOG的習慣所以係網上梗本揾吾到資料

咁不如冬媽就分享一下依個病有咩特點同康服的路係點行啦

冬冬係因為受到驚嚇令腦部分秘出來的分秘物令到腦部發炎, 發炎指數仲要係達到白血球2000幾, 正常數字應是單位數,十分嚇人呢

腦膜腦炎當病發時神情非常呆,就像人吸食K仔般,萬無目的, 頭有點丫, 初時還可進食,但後期會不能進食,呼吸困難,失禁嚴重者還會抽筋, 冬冬只欠抽筋其他特點都出晒來了

醫生會幫冬冬照MRI 同抽除腦部液體作進一步化驗, 當化驗得出來結果係無菌醫生就梗加可以用適當藥物去醫冬冬了,係網上都有註明有菌腦膜腦炎,同無菌腦膜腦炎架,我估用藥都有所不同

住院

冬冬由出事當日起只留院三天便出院,但要住幾耐我估都因每隻小狗情況以定,留院其間冬冬要食藥, 藥品包括 類固醇, 護胃藥, 免疫系統藥

亦都要打針, 依D針藥係化療藥品,可能大家聽到會嚇一大跳,其實有D藥品係令狗仔有效對腦部消炎的

出院

出院後早晚都要食藥, 食藥時間都有D難度,因為6款藥要分3段時間進食,定時上下班的冬媽來講,一定無問題,如不定時的打工仔,依個都係問題所在呢?

出院的第二天冬冬有嘔及痾血同痾黑屎情況,有依D情況應立即回醫院檢查, 好彩只是腸胃對藥一些反應,拎了抗生素及腸胃藥回家去



出院後的第三個星期

今日就是第三個星期了,又係返醫院打針的時後,打針亦又難度,每一次打針都要早同晚,還連續二天要到醫院打,好彩醫院可以免費留日間暫住,講真冬媽路程遠,叫冬冬咁坐車法都會吾舒服啦,送了冬冬入院冬媽可以返工去, 留待6點鐘接出院


為期二天的打針療程共打4針為一ROUND , 醫生話要打10至12 ROUND 因每隻狗仔體質同接受能力不同, 今日醫生檢查冬後覺進展良好,還開始減類固醇添,真係非常好的消息

暫時今晚都無咩特別反應,但都要觀察佢密D,食得好胃口, 飲水情況比之前好,食類固醇會非常想飲水同好肚餓,但主人不要比佢任食任飲呀!

醫生話冬可以照平常咁落街散步,只要做足返杜蟲,防蚤設備就可以了,不過冬媽總覺得打了針,都是休息一星期,下星期先落街散步啦


最後送上冬今早往醫院照片, 肥冬非常好精神大家吾駛擔心佢, 我同佢都會努力加油一定頂過依一年療程架

初時磅數不停咁跌冬媽都非常擔心,但今日來磅,磅數終於定下來,回升左小小了!希望再肥返小小就好了,不過我吾會急,因為大病係須要時間去復原的,我地會努力架