我的感想

不經不覺半年有多了, 冬冬病情總萛穏定,但近日係BLOG 見到個狗友仔同我講佢隻寶貝2013年5月病發,醫左一年後嘗試停藥, 但最後都再次病發!!!

醫生答佢有機會長期食藥同打針了! 當然睇左佢回覆後我情緒又再次起伏,講真應該向好方便去唸,但係亦要唸如果真係反發咁會點呢?須然未發生既野我吾知會點,但我一定會醫你架,一定會同你長期作戰! 長期食藥就當補品啦!只要你精神食得玩得訓得,我做什麼都是值得既!

接二連三見到病友都病情吾太穏定咁,我想出有幾點希望可以作為參考:

1. 食藥要定時,我知到好多家長都要輪班所以食藥方便真係無咁定時, 但我係網上睇過D藥物資料,免疫系統藥最好每天定時,咁食先會發揮最佳效果

2. 可以出去玩,但係不能好似從前咁玩到咁辛勞,最好帶備車仔,出去玩2,3 小時就好了!

3. 保持佢地心境開朗, 係依2個月來,我地好多時都同冬去散步,好明顯佢比早幾個月進步快很多了!

4. 不能受驚, 係上個針期我地問過呂大安, 冬可以去游水嗎? 呂醫生答佢係咪好鐘意,如好鐘意係無問題的,但如佢有小小驚都吾好了! 我地細心地唸冬冬平時游水都會吠爆沙灘或泳池, 咁可能佢係有一點驚謊,所以游水....冬可以退役了! 我地可以多D帶佢推車行山睇風景! 佢最愛聞花花草草


下半年我地開始會同冬多返活動,放心一定吾會辛苦,因為我知道佢最愛去街街! 須然時間吾係我能夠掌握,但依家比我知道原來可以好短暫既時候我會梗加珍惜! 冬最愛的士多啤梨園我地會再去架!

依家我地同冬冬出街都吾會比佢接觸其他狗朋友,因為冬冬無打年度針,醫生都叮囑除非同你玩開朋友知道有打年打針,街外狗狗就盡量少接觸減少感染其他病, 似中佢地抵抗力底,係健康狗狗身上小病,都可能係佢地身上變成大病,所以你地見到我地高速抱起冬冬吾好覺奇怪haha

打緊仗既朋友我地要堅持加油..互相扶持!