我好記得當年養肥冬之前係由睇blog開始的, 每個主人都記錄寵物既一點一滴,從中我學習不少知識,亦係blog 到識到好多知心友,傾下心得~
係..我都吾記得邊年開始,有facebook既出現,慢慢我見blog友好少update了! 我亦又吾知幾時開始開左我的facebook,當然亦好沉迷下啦XDDDDDD
但久而久之facebook就變成好多罵戰既戰場~ 亦有好多人由密友變成普通朋友再變成unfd 友
有人話係facebook到成日見人曬幸福好黑人憎,但係以前寫blog 都會,但只係不能即時show出來啫,我本人覺得又無咩所謂,見到人幸福總好過見到人不幸
但玩左咁耐facebook,我從來都無掉底過blog,因為blog 友真係會花時間,去睇一個傻媽去記錄肥冬既一點一滴
但我好幸福,由肥冬幾個月大,到依家6歲了,有好多blog 友成為左冬媽既好朋友,我地仲間吾出去食下玩下添,吾知你地又有幾多個呢?
不過我知facebook依個平台都吾會咁快消失,正正因為佢咁即時,好多走失狗,或者須要輸血既狗能夠用最快網上平台得到支援依點我覺得非常欣慰,但我都覺得blog都吾可以消失架,因為仲有好多人,想用文字去表達自己既感受! 當然包括冬媽我啦 haha
梗係梗係!! 我仲係udon blog既忠誠擁躉黎架!! 雖然FB真係好方便，但始終唔可以寫好多字，一張相未必表達到晒架嘛，而且Blog 可以之後睇返回味，FB想搵返舊POST有D難度啦~ 我會繼續支持架!!
回覆刪除多謝Jim ma 大家都要支持blog ,因為真係有好多美麗既回憶架~
刪除Jim Jim媽，講得啱，好讚同
刪除我鍾意睇blog呀，搵番舊post都方便，你既分享仲可以幫到我地做家長要留意既野添！支持支持！
回覆刪除其實我都鐘意架,因為文字間真係睇得出有幾愛有幾鍚亦有幾痛,相比快餐facebook來講真係吾同d架,不過市場上亦須要不同既平台啦
刪除咁我就好唔一樣，我用blog同FB係兩種唔同用法，blog係全匿名，樣唔出，真名唔出，太私人嘅資料唔出，但寫嘅內容可能最真實最坦白。
回覆刪除而FB就只係用嚟聯繫「已認識已見過面」嘅家人朋友，入面有我日常生活嘅相之類，但亦都係因為係識得嘅人，我寫嘅內容可能會表面啲，起碼唔會寫乜感想之類。
但現今facebook 真係好多人都即時講感受,往往就係咁得罪左人,所以變成鬧劇,我冬媽都試過了,所以我真係鐘意blog 多d,因為可以靜靜咁享受肥冬既世界
刪除