1月7日覆診日

話咁快又3個月啦，今日要睇呂醫生同埋TINFFNY醫生添，呂醫生檢查後一切正常，今次又可以賞試再減止抽筋藥，即日起，早上半粒，晚上3/4粒⋯⋯個半月後就早晚都係各半粒，冬冬你要加油呀，希望你可以完全停晒藥啦！

今日磅12.5KG呀！真係非常之FIT啫

跟住就係到TINFFNY醫生啦，抽左小小血，驗下ALKP指數同埋照下膽超聲波添
⋯⋯

話咁快報告都出埋，ALKP指數終於回落返正常範圍啦⋯⋯YEAH, 超聲波睇到膽方面，膽沙差不多退左一半呀！開心到媽咪不得之了呢HAHA

神經科會係3個月的後覆診，膽依邊會係半年後，希望半年後我會完全好返晒啦。

2018年有個好開始，我地大家都要身體健康呀！