1月22日覆診日

話咁快又3個月啦，冬冬又要見呂醫生啦，今日仲做過全套驗血驗尿添。

1030就到診所啦，今日磅數係12.6KG非常FIT呀～仲比呂醫生讚KEEP 得好好添，今日要驗血，竟然比姑娘抽左2隻手仔添，WUWUWUWUWUWU

回到家拆紗布，哎呀⋯⋯赤死我啦，不過我知你好快會無事的～

好啦，講回今日檢查先，今日呂醫生照往常一樣，細問病歷⋯⋯冬冬依3個月都無發作過，呂醫生話咁好（TOUCH WOOD）好好笑，呂醫生都好有風趣的一面架，跟住我同佢講我加左一樣保健品比肥冬，就係益生元菌素，跟住呂醫生就睇成份同邊到制造，再細問冬冬每日的份量，醫生仲話外國有D 記錄腸胃會影響腦部，現階段再測試再食3個月，如果冬都没有發作，咁冬冬就有機會減抽筋藥啦，冬冬你要加油呀

醫生跟住照往常一樣檢查肥冬，心臟，眼睛無白內章，骨架，神經反應全部正常，咁跟住我地就回家等血報告啦⋯⋯

下午時分，診所打來啦，尿報告全部正常，酸鹼度，蛋白都全部靚，只係尿濃度比較濃，但可能係肥冬飲水少關係，姑娘話濃都仲好過太希⋯

跟住血報告啦，今次肥左兩個指數，ALKP關於肝的，比正常高左14,姑娘話因冬冬都食左藥3年了，所以有所影響都吾出奇，同埋肝ALT指數正常暫時吾須要擔心住，今日又抽血出美國驗血含藥量同肝影響指數，如美國報告正常就梗加不到用擔心。（報告約10日後返）

另一個是LIPA指數係有關胰藏的，即係血油脂問題，依個指數都肥左好幾次，上一次11月合格返今次又肥返121 都同肝指數一樣，要幾個指數一起看，另一個AMYL又底喎⋯⋯所以姑娘話暫不用擔心住，同埋醫生話我會自行調節冬食物，無錯，當高一點我又會再調節一下HAHA....

總括來講今日的報告都全OK，所以真係好開心呀，終於吾駛擔心可以開開心心咁過雞年啦⋯⋯


最後好開心一提係，呂醫生讚我照顧得肥冬好好呀，我真係甜在心⋯⋯我會KEEP住努力同肥冬加大個油，開心過每一天